Каваклија (Серско)

Каваклија или Кавакли (грчки: Λευκώνας, Левконас; до 1928 г. Καβακλή, Кавакли^[2]) — село во Серско, Егејска Македонија, денес во општината Сер на Серскиот округ, Грција. Сè до 1920-тите било населено исклучиво со Македонци, а денес тие се околу половина од населението.^[3]

Каваклија Λευκώνας
Каваклија
Местоположба во областа Каваклија Местоположба на Каваклија во Серскиот округ и областа Централна Македонија
Координати: 41°5.54′N 23°29.46′E
Земја	Грција
Област	Централна Македонија
Округ	Серски
Општина	Сер
Општ. единица	Каваклија
Надм. вис.	&1000000000000007000000070 м
Население (2021)[1]
• Вкупно	2.221
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа во Серското Поле, на 5 км северозападно од градот Сер.

Историја

Во Отоманското Царство

Во XIX век Каваклија било чисто македонско село во Серската каза. Според „Етнографија на вилаетите Адријанопол, Монастир и Салоника“ во 1873 г. во Кавакли (Kavakli) имало 27 домаќинства сочинети од 80 жители Македонци.^[4][5]

Во 1891 г. Георги Стрезов вели дека селото е дел од областа Овакол и напишал за него:

„

Кавакли, чифлик на х. Зеки-бег, како и Вишен. Кавакли е најплодното село по целото поле; пространа земја за орање, градини, ливади, кошари за овци. Се наоѓа на З од градот 1⁄2 час. 50 куќи, македонски.[6][7]

“

Според статистиката на Васил К’нчов („Македонија. Етнографија и статистика“) в 1900 година в Кавакли има 270 жители Македонци христијани.^[4][8]

Сето население на Каваклија биле под врховенството на Цариградската патријаршија и во него работела грчката пропаганда. По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Кавакли (Kavakli) живееле 328 Македонци патријаршисти^[4]. Во селото работело грчко основно училиште со 1 учител и 14 ученици.^[9]

Во 1908-1912 г. во Долна Каваклија е изграден гробишниот храм „Успение на пресв. Богородица“.^[10]

Во Грција

По Балканските војни во 1913 г. селото е припоено кон Грција согласно Букурешкиот договор. Таа година населението броело 462 жители, кои во 1920 г. се намалиле на 410.^[3] Сосема мал број семејства се иселиле во Бугарија под притисок на грчката власт, но во селото сепак биле доведени грчки колонисти. Во 1928 г. селото е преименувано во Левкон. На пописот од таа година Каваклија е заведено како етнички мешано село со 1.514 жители^[3] од кои 755 биле дојденци (198 семејства), а остатокот македонски мештани.^[11] Владата на дојденците им изградила нови куќи.

Црквата „Св. Ѓорѓи“ в Горно Каваклия е от първата половина на XX век.^[12]

Месности во Каваклија преименувани со службен указ на 6 јули 1968 г.

Име	Грчки	Ново име	Грчки	Опис
Хаџика[13]	Χατζίκα	Хаѕедејка	Χατζεδαίϊκα[14]	месност на ЈЗ од Каваклија[13]
Полјанка[13]	Παλιάγκα	Гемато	Γεμάτο[14]	возвишение на Шарлија на СЗ од Каваклија (127 м)[13]
Долно Престо[13]	Κάτω Πρέστο	Палами	Παλάμη[14]	возвишение на Шарлија на С од Каваклија[13] (244 м)[15]
Кавакли[13]	Καβακλή	Левки Корифи	Λευκή Κορυφή[14]	возвишение на Шарлија на СИ од Каваклија (324,9 м)[13]
Рахово[13]	Ράχοβο	Рахи Висанис	Ράχη Βήσανης[14]	месност на Шарлија на ССИ од Каваклија[13]
Кизил Јар[13]	Κιζίλ Γιάρ	Ериторема	Έρυθρόρεμα[14]	река во Шарлија на СИ од Каваклија[13]
Ќучук Али[13]	Κουτσούκ Άλή	Мега Рема	Μέγα Ρέμα[14]	реката од Шарлија која минува низ Каваклија[13]

Население

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	1.522	1.524	1.753	1.409	1.568	1.741	2.136	2.388

Извор за 1940-1991 г.: Т. Симовски, Населените места во Егејска Македонија

Културни и природни знаменитости

• Црква „Успение на Пресвета Богородица“ од 1912 г.
• Црква „Св. Ѓорѓи“ од 1920-тите