Кисела Вода (населба)

Кисела Вода — населба во Скопје. Оваа населба е една од поголемите населби во Општина Кисела Вода што зафаќа површина од 43 км² и има население од 58.216 жители, од кои 50.702 се Македонци.^[1]

Поглед на населбата Кисела Вода, 1964

Кисела Вода во рамките на Општина Кисела Вода.

Историја

Во XIX век, селото е дел од нахијата Каршијак во Скопската каза во Отоманското Царство.

Според опширните османлиски дефтери за населението на Скопската Каза од 1832/33 година, селото е заведено под името Екши Су и било христијанско, со 9 христијански домаќинства. На овој попис биле забележани 29 мажи христијани, со 3 новороденчиња. Се проценува дека селото во тој период имало 64 жители.^[2]

Стефан Верковиќ во 1857 го бележи со 270 жители.^[3]

Население

Според германска карта издадена во 1941 година, а заснована на пописот на Кралството Југославија во 1931 година, селото имало 100 Македонци.^[4]

Според последниот попис на населението на Македонија од 2021 година, Кисела Вода има 51.357 жители.

Следува табела на народносната структура на населението:

Народност	Вкупно
Македонци	43.774
Албанци	233
Турци	292
Роми	320
Власи	616
Срби	896
Бошњаци	216
Други	5.010

Потекло на името

Месноста е наречена по изворот што постоел на местото каде што денес стои црквата „Св. Никита“.

Според преданието, кон крајот на XVIII век во овој крај се населил Усеин-бег, кој тука направил цветни градини. Бегот бил слеп, и при една прошетка низ чифликот застанал да се измие од водата и прогледал. Тогаш местото го прогласил за свето и не го давал за јавна употреба сè до неговото заминување, кога им го подарил на селаните за тука да изградат црква.^[5]

Галерија

• 
  Глетка од Кисела Вода
• 
  Делот Бирарија (кај „Шампионче“)
• 
  Градинка во Кисела Вода

Личности

• Љубомир Акимовски (1961 — 2001) — македонски бранител
• Драганчо Илиевски (1969 — 2001) — македонски бранител
• Игор Костески (1975 — 2001) — македонски бранител

Поврзано

• Општина Кисела Вода
• Скопје