Коеј

Во старогрчката митологија, Коеј /ˈsiːəs/ (старогрчки: Κοῖος, Којос, "прашање") бил еден од Титаните, џиновските синови и ќерки на Уран (Небото) и Геја (Земјата). Негов еквивалент во латинската поезија—иако слабо се појавува во римската митологија^[1]—бил Полиј,^[2] олицетворение на небесната оска околу која се врти рајот.

Коеј или Којос
Член на Титаните
Бог на интелектот, оска на рајот околу која се вртат соѕвездијата и веројатно на рајските пророштва
Живеалиште	Тартар
Битки	Титаномахија
Сопружник	Феба
Родители	Уран и Геја
Браќа/сестри	Титани Криј Крон Коеј Хиперион Јапет Мнемозина Океан Феба Реја Тетија Темида Хекатонхири Бриареј Кот Гиг Киклопи Арги Бронти Стеропи Други браќа и сестри Џинови Еринии (Фурии) Мелии Полубраќа и сестри Афродита Тифон Питон Уран
Деца	Лето, Астерија, Лелант
Римски пандан	Polus

Митологија

Како повеќето Титани, Коеј немал активна улога во старогрчката религија - се појавува само во списокот на Титани^[3]—ама првенствено бил значаен за неговото поколение Со неговата сестра, "блескавата" Феба, Коеј ги добил децата Лето^[4] и Астерија.^[5] Иако не е експлицитно објаснето, Лелант се кажува како син на Коеј. Лето со Зевс (синот на титаните Крон и Реја) ги зачнала и ги родила Артемида и Аполон.

Ако се знае дека Феба ја симболизира пророчката мудрост а Коеј ја претставува разумната интелигенција, двајцата заедно можеби го сочинувале целото знаење во космосот. Заедно со другите Титани, Коеј бил победен за време на Титаномахијата од страна на Зевс и потоа фрлен во Тартар. Затворен во Тартар, Коеј полудел и ги скинал синџирите сакајќи да побегне од подземјето, но бил запрен во намерата од страна на Кербер.^[6]