Криј

Во старогрчката митологија, Криј (старогрчки: Κρεῖος ^[1]/Κριός Kríos или Kreios) или на латински Crius е Титан, син на Уран (Небо) и Геја (Земја).

Теми во Старогрчка митологија
Богови Први богови и Титани Зевс и Олимписките богови Пан и нимфите Аполон и Дионис Богови на морето и Богови на земјата
Херои Херкулес Ахил и Тројанска војна Одисеј и Одисеја Јасон и Златно руно Персеј и Медуза Едип и Седумте против Теба Тесеј и Минотаур Триптолем и Елевсински мистерии
Поврзано Сатири, Кентаури и Змејови Старогрчка религија

Криј
Член на Титаните
Бог на соѕвездијата
Живеалиште	Тартар
Битки	Титаномахија
Сопружник	Еврибија
Родители	Уран и Геја
Браќа/сестри	Титани Криј Крон Коеј Хиперион Јапет Мнемозина Океан Феба Реја Тетија Темида Хекатонхири Бриареј Котиј Гигиј Киклопи Арги Бронти Стеропи Други браќа и сестри Џинови Еринии (Фурии) Мелии Полубраќа и сестри Афродита Тифон Питон Уран
Деца	Астреј, Палас, Персис

Мит

Криј е Титан, син на Уран (Небо) и на Геја (Земјата). Според Хесиод, тој бил женет со неговата полусестра Еврибија, ќерка на Геја и на Понт (Морето), од која ги добил децата Астреј, Палас и Персис. Павзаниј го наведува и Питон како негов син.

Во тек на Титаномахијата, по десетгодишна војна^[2], Криј бил затворен во Тартар од страна на Зевс, кога Титаните изгубиле против олимписките богови помогнати од Киклопите и Хекатонхирите советувани од Геја.

Потекло на поимот

Иако "криос" бил старогрчки збор за "овен", хтоничната положба на Титанот во подземниот свет не го поврзува со соѕвездието Овен (Ариес), во зодијакот. Соѕвездието Овен е првото видливо соѕвездие на небото во пролетната сезона, означувајќи го почетокот на новата година во старогрчкиот календар.

Поколение

Заедно со Еврибија, ќерката на Земјата (Геја) и Море (Понт), ги добил децата Астреј и Палас, како и Персис. Спојот на Астреј со Еос (Зората), довеле до Еосфор, другите ѕвезди и ветровите.

Во уметностите

Криј е главен лик во италијанскиот комичен филм Титани на Дучо Тесари во 1962, кој користи божества и јунаци од митологијата но измислува оригинална интрига. Криј, кој го глуми Џулијано Гема, е претставен како најслабиот но најпаметниот од сите Титани.^[3].