Општина Василево

Општина Василево — општина во југоисточна Македонија. Центар на општината е Василево.

Општина Василево
Општина
Знаме Грб
Држава	Македонија
Седиште	Василево
Населени места	Список Селата: Ангелци, Варварица, Василево, Висока Маала, Владевци, Градошорци, Доброшинци, Дукатино, Едрениково, Кушкулија, Нивичино, Нова Маала, Пиперево, Радичево, Седларци, Сушево, Требичино и Чанаклија
Управа
• Градоначалник	Славе Андонов (ВМРО-ДПМНЕ)
Површина
• Вкупна	230,4 км2 (89,0 ми2)
Население (2021)[1]
• Вкупно	10.552
• Густина	46/км2 (120/ми2)
Час. појас	CET (UTC+01:00)
• Лето (ЛСВ)	CEST (UTC+02:00)
Повикувачки број	+034
Регистарски таблички	SR
Мреж. место	opstinavasilevo.gov.mk

Карта на Општината.

Демографска карта на Општината.

Географија

Историја

Општина Василево како комуна за првпат е формирана 1922 година.

Со територијалната поделба 1954-1955 година комуна Василево повторно е основана што значи дека е согледана можноста за опстојување на тој простор како Комуна. Комуна Василево ја преживува и реформата во 1962 година кога се укинати другите селски комуни во Струмичкиот регион, но во 1965 година со Стопанската реформа е укината заедно со сите комуни.

Во 1996 година со Законот за територијална поделба на Република Македонија, општина Василево повторно се основа со 18 населени места, но сега без Добрејци, Вељуса и Просениково.

Стопанство

Демографија

Народ	Вкупно	Удел (%)
Македонци	9.958	82,15
Албанци	0	0,0
Турци	2.095	17,28
Роми	5	0,04
Власи	1	0,01
Срби	4	0,03
Бошњаци	1	0,01
останати	58	0,48

Вероисповед	Вкупно
православни	9.246
муслимани	2.196
католици	581
протестанти	1
останати	98

Општина Василево има 18 населени места во кои живеат 12.122 жители, според пописот од 2002 година. Ако оваа бројка се спреди со претходниот попис од 1994 година, се гледа дека населението во општината е во пораст и тоа за 713 жители или 6,25%.^[2]

Според податоците заклучно со 2011 година, вкупниот број на ученици во Општина Василево во 2011 се зголемил за 4,4 % во однос на вкупниот број на ученици во 2007. Василево е трета општина по зголемувањето на вкупниот број на ученици.^[3]

Општествени установи

Самоуправа и политика

Градоначалник на општина Василево е Славе Андонов од редовите на ВМРО-ДПМНЕ. Тој бил избран на локалните избори од 2025 година за мандат од четири години.^[4]

Согласно одлука на Владата на Македонија од 27 септември 2024 година, Советот на општината брои 15 члена.^[5]

За потребите за функционирање на органите на локалната самоуправа во текот на 1997/98 година е изградена Општинска административна зграда, која ги задоволува условите за работа на општинската администрација и со зголемени надлежности согласно новиот Закон за локална самоуправа. Имено општинската административна зграда е со површина од 253 м², има 7 канцеларии, кујна, санитарен јазол и простран хол.

Постојните управни и административни органи на општина Василево согласно новиот Закон за локалната самоуправа се организирани во општинска администрација со Одлука од Советот на општината. Со оваа Одлука како организациони облици на општинската администрација се образуваат специјални одделенија, и тоа:

1. Одделение за комунални дејности и заштита на животната средина;

2. Одделение за општествени дејности;

3. Одделение за финансии, даноци, такси и ЛЕР;

4. Одделение за правни работи;

5. Одделение за ревизија.

Културни и природни знаменитости

Редовни настани

Личности

Култура и спорт

Иселеништво