Општина Говрлево

Општина Говрлево, именувана и како Месен народен одбор Говрлево ― поранешна општина во Македонија, која постоела во периодот 1913-1941 и 1945-1947 година.

Општина Говрлево (1913-1941) Месен народен одбор Говрлево (1945-1947)
Општина на Кралство Србија / Царство Бугарија / Кралство СХС/Југославија / ДФ/НР Македонија, ДФЈ/ФНРЈ
1913–1947 →
Главен град/седиште		Говрлево
Составни делови		Барово (1913-1941, 1945-1947), Говрлево (1913-1941, 1945-1947), Јаболци (1913-1941), Осинчани (1913-1941), Пуста Брезница (1913-1941), Света Петка (1913-1941, 1945-1947), Чифлик (1913-1941, 1945-1947)
Историја
-	Основање на Општина Говрлево	1913
-	Основање на МНО Говрлево	1945
-	Укинување на МНО Говрлево	1947
Население
-	1913	2,209 жит.
-	1921	2,137
-	1931	2,501
Управни единици		Држава: Кралство Србија (1913-1915), Царство Бугарија (1915-1918), Кралство Југославија (1918-1941), ДФЈ/ФНРЈ (1945-1947) Република: ДФ/НР Македонија (1945-1947) Бановина: Вардарска (1929-1941) Покраина: Јужна Србија (1918-1922) Округ: Скопски (1913-1922, 1945-1947) Област: Скопска (1922-1929) Срез: Скопски (1913-1915, 1918-1941) Околија: Скопска Селска (1915-1918), Драчевска (1945-1947)
Денес во		Општина Сопиште

Историја

1913-1915

Општина Говрлево за прв пат била основана во 1913 година, за време на Кралството Србија. Населени места во општината биле Барово, Говрлево, Јаболци, Осинчани, Пуста Брезница, Света Петка и Чифлик. Општината била дел од Скопскиот Срез, Скопски Округ.^[1]

1915-1918

Општина Говрлево продолжила да постои за време на Царството Бугарија, односно окупацијата во Првата светска војна. Општината територијално останала иста и била дел од Скопската Селска Околија, Скопски Округ.^[2]

Кралство СХС/Југославија

За време на новата држава Кралство СХС (подоцна под името Кралство Југославија), Општина Говрлево продолжила да постои во рамки на Скопскиот Срез, и почнувајќи од 1929 година, во Вардарската Бановина. Таа се состоела од населените места: Барово, Говрлево, Јаболци, Осинчани, Пуста Брезница, Света Петка.^[3][4][5]

1945-1947

Месниот народен одбор Говрлево бил основан во 1945 година. Тој бил дел од Драчевската Околија, Скопски Округ, и негови составни населени места биле Барово, Говрлево, Света Петка, Чифлик.^[6] Во 1947 година, според новата административна поделба, месниот одбор бил укинат и неговата територија припаднала под Месен народен одбор Долно Соње.^[7]

Население

Според пописот од 1913 година, Општина Говрлево имала 2,209 жители, односно вкупното население на Барово, Говрлево, Јаболци, Осинчани, Пуста Брезница, Света Петка и Чифлик.^[1]

Според пописот од 1921 година, Општина Говрлево имала 2,137 жители. Според верската припадност, 1,414 биле православни, додека 723 биле муслимани. Според јазичната припадност, 1,414 биле Срби/Хрвати, додека 723 биле Албанци.^{[8][б 1]}

Според пописот од 1931 година, Општина Говрлево имала 2,501 жител, од кои 1,253 биле мажи, а 1,248 биле жени. Општината се состоела од 331 куќи и 335 домаќинства.^[9]

Поврзано

• Список на населени места во Вардарска Македонија по општина (1913-1915)
• Список на општини во Вардарска Бановина по население (1931)
• Список на општини во Македонија по население (1948)

Забелешки

1. Македонскиот јазик и македонскиот народ биле третирани за српски, согласно според српскиот/кралскојугословенскиот државен апарат.