Општина Дејловце

Месен народен одбор Дејловце ― поранешна општина во Македонија, која постоела во периодот 1945-1952 година.

Месен народен одбор Дејловце
Општина на ДФ/НР Македонија, ДФЈ/ФНРЈ
1945–1952 →
Главен град/седиште		Дејловце
Составни делови		Дејловце (1945-1952), Длабочица (1945-1947), Осиче (1945-1952)
Историја
-	Основање на МНО Дејловце	1945
-	Укинување на МНО Дејловце	1952
Население
-	1948	505 жит.
Управни единици		Држава: ДФЈ/ФНРЈ Република: ДФ/НР Македонија Округ: Скопски (1945-1947) Околија: Козјачка (1945-1947), Кумановска (1947-1952)
Денес во		Општина Старо Нагоричане

Историја

Месниот народен одбор Дејловце бил основан во 1945 година. Тој бил дел од Козјачката Околија, Скопски Округ, и негови составни населени места биле Дејловце, Длабочица и Осиче.^[1] Во 1947 година, според новата административна поделба, Месниот народен одбор Дејловце бил намален на сметка на соседниот и проширен Месен народен одбор Арбанашко кој го добил селото Длабочица. МНО Дејловце тогаш припаѓал во Кумановската Околија.^[2] Во 1950 година, според новата административна поделба, Месниот народен одбор Дејловце не претрпел територијални промени.^[3] Согласно административната поделба од 1952 година, МНО Дејловце бил укинат на сметка на проширената Општина Арбанашко која ги добила селата Дејловце и Осиче.^[4]

Население

Според пописот од 1948 година, Месен народен одбор Дејловце имал 505 жители, односно вкупното население на Дејловце и Осиче. Од таа бројка, 504 биле Македонци, додека 1 бил Србин.^[5]

Поврзано

• Список на општини во Македонија по население (1948)