Општина Мршевци

Месен народен одбор Мршевци ― поранешна општина во Македонија, која постоела во периодот 1945-1952 година.

Месен народен одбор Мршевци
Општина на ДФ/НР Македонија, ДФЈ/ФНРЈ
1945–1952 →   →
Главен град/седиште		Мршевци
Составни делови		Грушино (1945-1947, 1950-1952), Бујковци (1950-1952), Бучинци (1945-1947, 1950-1952), Дељадровци (1947-1952), Мршевци (1945-1952), Текија (1947-1952)
Историја
-	Основање на МНО Мршевци	1945
-	Укинување на МНО Мршевци	1952
Население
-	1948	960 жит.
Управни единици
Денес во		Општина Арачиново, Општина Илинден

Историја

Месниот народен одбор Мршевци бил основан во 1945 година. Тој бил дел од Маџарската Околија, Скопски Округ, и негови составни населени места биле Грушино, Бучинци и Мршевци.^[1] Во 1947 година, според новата административна поделба, Месниот народен одбор Мршевци ги загубил селата Грушино и Бучинци на сметка на новиот МНО Бучинци, но ги добил селата Дељадровци и Текија, на сметка на укинатиот МНО Дељадровци. МНО Мршевци тогаш припаѓал во Скопската Околија.^[2] Во 1950 година, според новата административна поделба, Месниот народен одбор Мршевци бил проширен со селата Грушино и Бучинци, на сметка на укинатиот МНО Бучинци, како и на сметка на укинатиот МНО Миладиновци со селото Бујковци.^[3] Согласно административната поделба од 1952 година, МНО Мршевци бил укинат на сметка на проширената Општина Бунарџик која ги добила селата Бујковци, Бучинци, Дељадровци, Мршевци и Текија, како и на сметка на проширената Општина Синѓелиќ која го добила Грушино.^[4]

Население

Според пописот од 1948 година, Месен народен одбор Мршевци имал 960 жители, односно вкупното население на Дељадровци, Мршевци и Текија. Од таа бројка, 548 биле Македонци, 253 биле Срби, 139 биле Турци, 18 биле Албанци, 1 бил Бугарин, додека 1 бил припаднал во графата „останати и непознато“.^[5]

Поврзано

• Список на општини во Македонија по население (1948)