Париз-Рубе 2015

Париз-Рубе 2015 — 113. издание на велосипедската етапна трка Париз-Рубе. Се одржала на 12 април и била десетта трка во сезоната на Светската турнеја.^[1][2]

Париз-Рубе 2015

Светска турнеја на UCI 2015, трка 10 од 28
Победнички подиум на крај на трката
Детали за трката
Date		12 април 2015
Растојание		253,5 км
Време		5ч 49' 51" (43,48 км/ч)
Добитници на наградите
	Победник	Џон Дегенколб (ГЕР)	(Џајант-Алпецин)
	Втор	Здењек Штибар (ЧЕШ)	(Етикс-Квик Степ)
	Трет	Грег ван Авермат (БЕЛ)	(Ванти-Груп Гобер)
← 2014 2016 →

Била освоена од Џон Дегенколб во спринт пред Здењек Штибар и Грег ван Авермат. Дегенколб станал само втор Германец кој ја освоил трката, по победата на Јозеф Фишерс на првото издание на трката.

Рута

Париз-Рубе 2015 била долга 253,5 километри, малку пократка отколку претходните изданија. И покрај името што кажува дека трката започнала во францускиот главен град, всушност започнала во Компјењ, 80 километри северно од Париз. Трката вклучувала 27 делници со калдрма во вкупна должина од 52,7 километри. Последните 750 метри од трката биле возени на велодромот во Рубе.

Екипи

Бидејќи Париз-Рубе е дел од Светската турнеја, сите 17 UCI World Tour екипи биле автоматски поканети и се обврзани да испратат екипа. На осум професионални континентални екипи им биле доделени специјални покани и така била заокружена групата од 25 екипи.

Екипи во Светската турнеја биле:

• Аг2р-Ла Мондијал
• Астана
• Ванти-Груп Гобер
• Етикс-Квик Степ
• ФДЖ
• ИАМ Сајклинг
• Лампре-Мерида
• Лото-Судал
• Мовистар Тим
• Орика-ГринЕЏ
• Канондејл-Гармин
• Џајант-Алпецин
• Катјуша
• Лото НЛ-Џамбо
• Тим Скај
• Тинкоф-Саксо
• Трек Фактори Рејсинг

Екипи кои добиле специјални покани биле:

• Бора-Аргон 18
• Бретањ-Сеше анвиронман
• Кофидис
• МТН Кубека
• Тим Јуропкар
• Топспорт Вландерен-Балоас
• ЈунајтедХелткер
• Ванти-Груп Гобер

Резултати

	Велосипедист	Екипа	Време	Бодови за Светската турнеја
1	Џон Дегенколб (ГЕР)	Џајант-Алпецин	5ч 49' 51"	100
2	Здењек Штибар (ЧЕШ)	Етикс-Квик Степ	и.в.	80
3	Грег ван Авермат (БЕЛ)	Ванти-Груп Гобер	и.в.	70
4	Ларс Бом (ХОЛ)	Астана	и.в.	60
5	Мартин Елмигер (ШВА)	ИАМ Сајклинг	и.в.	50
6	Јенс Кекелејре (БЕЛ)	Орика-ГринЕЏ	и.в.	40
7	Ив Ламперт (БЕЛ)	Етикс-Квик Степ	+ 7"	30
8	Лук Роу (ВБР)	Тим Скај	+ 28"	20
9	Јенс Дебишер (БЕЛ)	Лото-Судал	+ 29"	10
10	Александер Кристоф (НОР)	Катјуша	+ 31"	4

Расправа

Железничкиот премин

Трката била одбележена со несреќна околност, кога дузина велосипедисти небезбедно преминале преку железнички премин, додека рампите биле спуштени. Другите велосипедисти биле спречени од поминување, дури кога полицискиот мотор интервенирал. Неколку секунди подоцна поминал брз воза низ преминот.^[3]

Француските железници (SNCF) повикале полицијата да ја преземе дејствија по инцидентот, изјавувајќи дека лесно би можело да настане трагедија.^[4]