Полутврдо сирење

Полутврди сирења — сирења кај кои количината на вода во содржината без маснотии во сирењето е до 65 проценти, така што по созревањето овие сирења содржат околу 40 до максимум 50 проценти апсолутна вода. Затоа, апсолутната вода ја означува вкупната количина на вода во сирењето по созревањето, и може да се изрази во грамови по килограм сирење или во проценти.

Полутврдо сирење
Млеко од	Крава овца
Пастеризирано	вообичаено
Текстура	флексибилна, но уште еластична
Узревање	2 до 4 месеци

Поделба на сирењата

Во зависност од содржината на вода во безмасниот дел од сирењето:

многу тврди сирења	до 30 % вода	Сирења од типот пармезан: (грана падано, пармиџано лодиџано, пармиџано емилијано, пармиџано реџијано), сбринц
тврди сирења	од 35 до 45 % вода	бра, ементалер, гријер, алпкезе, чедар, едамер, фонтина, фиоре сардо, кашкавал, монтасио, пекорино, карстно овчо сирење
полутврди сирења	од 40 до 50 % вода	едамер, гауда, тилзит, трапист, бел пазе, порт салут, проволоне, сирење за раклет, тет де моан, путеркезе
меки сирења	над 50 % вода	сирења со мувла во структурата или на површината, сирења со намаз на површината
свежи сирења	од 85 до 87 % вода	моцарела, урда, маскарпоне

Количината на вода во содржината без маснотии во сирењето е важна информација што може да се искористи за да се определи типологијата на сирењето. Колку е помеко сирењето, толку е поголем процентот на вода во него. Карактеристичните својства на сирењето се образуваат во немасната супстанција, која е прилично постојан параметар на сирењата.

Поврзано

• Тврдо сирење
• Меко сирење