Рафаил Крстев

Рафаил (Рафе) Крстев Дулев Коловски — македонски зограф и иконописец.

Рафаил Крстев
Роден(а)	Лазарополе, Реканско
Националност	Македонец
Занимање	зограф, иконописец
Познат(а) по	цркви и манастири
Значајни дела	во текстот
Деца	Крсте Рафаилов Владимир Рафаилов
Родители	Крсте Николов Колоски (татко)
Роднини	Русалим Крстев (брат)

Ктиторскиот натпис во „Св. Илија“ во Велгошти со името „Рафе Крстев Колоски“.

Сцената „Успение Богородично“ од „Сите Светители“ во Лешани, 1926 г.

Животопис

Роден е во мијачкото село Лазарополе. Припаѓа на големиот зографски род Дулеви (Колоски), чии основоположници се Дуле и син му Никола. Рафаил е син на истакнатиот зограф Крсте Николов Колоски кај кого се обучувал за зограф и со кого често работел по обуката. Брат му Русалим Крстев исто така станал иконописец.^[1]

Иконите во црквата „Св. Богородица“ во охридското село Волино се изработени од Крсте Н. Колоски и син му Рафаил Крстев.^[2] Околу 1919 г. Крсте заедно со син му Рафаил и мајсторот Димитар Андонов творел во црквата „Св. Атанасиј“ во Радиовце, Тетовско. Во 1920-тите Крсте со Рафаил ја живописал новата манастирска црква „Сите Светители“ во охридско Лешани.^[3]

Во 1923 г. Рафаил ги насликал иконите за црквата „Св. Троица“ во Горенци, Охридско.^[2]

Рафаил ја живописал црквата „Св. Мина“ во охридско Коњско заедно со татко му во 1928 г.^[2] Во 1929 г. двајцата ја живописале црквата „Успение на пресв. Богородица“ во Скребатно, исто така во Охридско.^[2][3]

Рафаил имал два сина, Крсте и Владимир, кои ги обучувал за зографи и со кои заеднички работел. Во 1944 г. Рафаил и Крсте ги насликале црквите „Св. Илија“ во Рамне и „Св. Кузман и Дамјан“ во Пештани.^[2] Истата година Рафаил заедно со двата сина ја живописал и црквата „Св. Илија“ во Елшани. Во 1946 г. Рафаил го насликал манастирот „Св. Илија“ кај Велгошти.^[2]

• Икони и фрески од црквата „Св. Атанасиј“ во Радиовце
• 
  Иконостасот во црквата
• 
  „Исус Христос“
• 
  „Крштение Господово“
• 
  „Светиот евангелист Лука“
• 
  „Светиот евангелист Марко“

Натписот цо црквата „Св. Атанасиј“ во Радиовце со името на Рафе Крстіћ

Родословие

Дуле

Никола Дулев

Крсте Николов (1839 - 1938)

Константин Николов

Русалим Крстев

Рафаил Крстев

Томо Константинов

Јаким Константинов

Теодосиј Константинов

Владимир Рафаилов

Крсте Рафаилов