Брешко

Брешко — село во Општина Старо Нагоричане, североисточна Македонија.

Брешко
Брешко Местоположба на Брешко во Македонија Брешко на карта
Координати 42°12′35″N 21°57′49″E
Регион	Североисточен
Општина	Старо Нагоричане
Област	Козјачија
Население	8 жит. (поп. 2021)[1]
Пошт. бр.	1302
Повик. бр.	031
Шифра на КО	17011
Надм. вис.	500 м
Брешко на општинската карта Атарот на Брешко во рамките на општината
Брешко на Ризницата

Географија и местоположба

Селото се наоѓа во областа Козјачија, крај реката Петрошница. Се наоѓа во ридски предел на најзападните падини на планината Герман, на надморска височина од 600 м. Атарот е мошне мал, со површина од само 1,6 км^2[2]

Историја

На крајот од XIX век Брешко било македонско село во Кумановската каза на Отоманското Царство.

Според статистиката на Васил К’нчов („Македонија. Етнографија и статистика“) од 1900 г. Брешка (Брѣшка) имало 108 жители, Македонци христијани.^[3][4]

Целото население на селото потпаднало под врховенството на Бугарската егзархија. По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Брежко имало 80 Македонци, сите под егзархијата.^[5] Според бугарски извори, сите 12 куќи во селото во 1904 г. под притисок на српската пропаганда ја признале Цариградската патријаршија за своја црква.^[6]

Стопанство

Според податок од 1998 г. Брешко поседува 65,8 ха обработливо земјиште 70,6 ха пасишта и 5,4 ха шуми.^[2]

Население

Население во минатото

Година Нас. ±% 1948 77 —     1953 78 +1.3% 1961 68 −12.8% 1971 53 −22.1% 1981 45 −15.1%	Година Нас. ±% 1991 28 −37.8% 1994 16 −42.9% 2002 16 +0.0% 2021 8 −50.0%

Според пописот од 2002 година, во селото Брешко имало 16 жители, сите Македонци.^[7]

Според последниот попис од 2021 година, во селото живееле 8 жители, сите Македонци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	108	80	77	78	68	53	45	28	16	16	8

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Родови

Брешко е македонско село.

Родови во селото се:

• Доселеници: Џамбасци (3 к.) доселени се од селото Аљинце. Таму биле тројца браќа, двајца останале во Алинце а третиот се иселил во Брешко; Копиљаци (3 к.) и Џакерци (3 к.) доселени се, но не знаат од каде.^[12]

Иселеништво

Според истражувањата направени во XX век, родови со потекло од Брешко има во следниве населени места:

• Руѓинце, Оп. Ст. Нагоричане: Брештанци (6 куќи) — забележано во 1971 г.^[12]
• Миладиновци, Оп. Илинден: Максимови (1 куќа), доселени во 1926 г. — забележано во 1953 г.^[13]