Старо Балдовци

Старо Балдовци — село во Општина Босилово, во околината на градот Струмица.

Старо Балдовци
Влезот на селото
Старо Балдовци Местоположба на Старо Балдовци во Македонија Старо Балдовци на карта
Координати 41°27′56″N 22°44′53″E
Општина	Босилово
Население	422 жит. (поп. 2021)[1]
Шифра на КО	27063
Надм. вис.	220 м
Старо Балдовци на општинската карта Атарот на Старо Балдовци во рамките на општината
Старо Балдовци на Ризницата

Географија и местоположба

ОУ „Гоце Делчев“

Џамија во селото

Старо Балдовци се наоѓа во југоисточниот дел на Република Македонија, во средишниот дел на Струмичка Котлина и во централниот дел на Општина Босилово. Во близина на селото, од неговата западна страна поминува патот Струмица-Берово, додека десно поминува патот Струмица-Ново Село.

Надморската височина во селото е 220 метри, додека селото зафаќа површина од 3,7 км². Од нив, 326 хектари се обработливо земјиште^[2]

Историја

Отоманско Царство

Во „Етнографија на Адријанопол, Монастир и Салоника“ се вели дека во 1873 г. селото се состоело од 20 семејства од кои 74 Македонци^[3][4] Според статистиката на Васил К’нчов („Македонија. Етнографија и статистика“) во 1900 година селото имало 105 жители Турци и 50 Македонци^[5]. Како чисто турско село населбата е обележана на Етнографската карта од 1912 година, со името Секирник.

Царство Бугарија

По крајот на Балканските војни, селото било вклучено во составот на Царство Бугарија. Според Димитар Гаџанов во 1916 година во Старо Балдовци живееле 27 Турци^[6].

Југославија

По крајот на Првата светска војна, според Нејскиот мировен договор, селото било вклучено во составот на Кралство СХС, заедно со Струмичкиот регион. По крајот на Втората светска војна, селото било вклучено во рамките на СФРЈ.

Македонија

По распаѓањето на СФРЈ, селото формално било вклучено во составот на Република Македонија. Според територијалната организација на Република Македонија, селото припаѓа на Општина Босилово.

Население

Население во минатото

Година Нас. ±% 1948 136 —     1953 140 +2.9% 1961 181 +29.3% 1971 189 +4.4% 1981 205 +8.5%	Година Нас. ±% 1991 267 +30.2% 1994 262 −1.9% 2002 269 +2.7% 2021 422 +56.9%

Според германска карта издадена во 1941 година, а заснована на пописот на Кралството Југославија од 1931 година, селото имало 100 Македонци.^[7]

Во 1961 година селото Старо Балдовци имало 181 жител. Во 1994 година во селото живееле 262 луѓе, од кои 140 Македонци и 122 Турци^[2].

Според пописот на населението на Македонија од 2002 година, селото има 264 жители, од кои 116 Македонци, 124 Турци и 24 останати.^[8]

Според последниот попис од 2021 година, во селото живееле 422 жители, од кои 90 Македонци, 222 Турци, 1 Ром и 109 лица без податоци.^[9]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	155	—	136	140	181	189	205	267	262	269	422

Извор за 1900 г.: Македонија. Етнографија и статистика.^[10]; за 1905 г.: La Macédoine et sa Population Chrétienne.^[11]; за 1948-2002 г.: Државен завод за статистика на РМ.^[12]; за 2021 г.: Државен завод за статистика на РМ.^[13]

Редовни настани

Општествени установи

• ОУ „Гоце Делчев“
• Џамија

Самоуправа и политика

Избирачко место

Во селото постои избирачкото место бр. 1816 според Државната изборна комисија, сместени во просториите на основното училиште.^[14]

На претседателските избори во 2019 година, на ова избирачко место биле запишани вкупно 217 гласачи.^[15]

На Македонски парламентарни избори во 2020 година, на овие избирачки места биле запишани вкупно 240 гласачи.^[16]