Трка околу Фландрија 2017

Трка околу Фландрија 2017 — 101. издание на велосипедската еднодневна трка Трка околу Фландрија, која се одржала на 2 април како тринаесетти настан во сезоната на Светската турнеја.^[1][2]

Трка околу Фландрија 2017
Детали за трката
Издание	101. Трка околу Фландрија
Натпреварување	Светска турнеја на UCI 2017 1.UWT
Датум	2 април 2017
Растојание	260 км
Држава	Белгија
Поаѓалиште	Антверпен
Одредиште	Ауденарде
Екипи	25
Возачи на почеток	198
Возачи на крај	121
Просечна брзина	40,651 км/ч
Official site	Official site
Добитници на наградите
Победник	Филип Жилбер (Судал Квик-Степ)
Второпласиран	Грег ван Авермат (ССС Team)
Третопласиран	Ники Терпстра (Судал Квик-Степ)
◀2016	2018▶
	Документација

Трката била освоена од белгискиот национален првак Филип Жилбер од екипата Квик-Степ Флорс,^[3] откако нападнал сам на Ауде Кваремонт и се одржал пред групата во останатите 55 километри.^[4] Второто место му припаднало на уште еден Белгиец, Грег ван Авермат од Ванти-Груп Гобер, победувајќи ги холандските возачи Ники Терпстра (Квик-Степ Флорс) и Дилан ван Барле од Канондејл-Драпак во трочлен спринт за подиум.

Рута

Антверпен домаќин на почетокот на трката на својот главен плоштад по првпат.

Првиот круг на рутата (со црвено) и преминот кон вториот круг (со зелено).

Вториот круг на рутата (со црвено) и завршниот дел од трката од 16,1 километар (со зелено).

Градот Антверпен по првпат бил домаќин на трката, откако 19 пати започнала во Бруге, со што Трката околу Фландрија првпат започнала од покраината Антверпен.^[5] Трката завршила во Ауденарде со вкупно растојание од 260,8 километри и повторно го имала Мур ван Герардсберген, едно од иконските искачувања на трката.^[5][6]

Првите 116 километри на трката се рамни, пред да започне првото од 18. искачувања, Ауде Кваремонт.^[6] Ауде Кваремонт, кое било во фокусот на трката во последните неколку години, се појавувало трипати на рутата и последните две се споени со Патерберг три километри подоцна.^[7] Мур ван Герардсберген е деветто категоризирано искачување на 95 километри од завршницата.

Завршните 75 километри биле идентични на претходните изданија.^[7] На завршните девет искачувања, првото било Канариберг, потоа првата комбинација Ауде Кваремонт-Патерберг, по кое следело Копенберг, најстрмното искачување на трката. Копенберг било веднаш по рамниот сектор со калдрма на Маријаборестрат, што водело до искачувањата Стенбекдрис и Тајенберг. Крејсберг во Ронсе се наоѓало на 26 километри од целта, пред завршните две искачувања.^[6] Втората комбинација на Ауде Кваремонт и Патерберг го претставувал крајот на трката, пред 13,2 километри до завршницата.

Категоризирани искачувања и калдрми

Мур ван Герардсберген, со наклони до 20%, се враќа во рѕтата по петгодишна пауза.

Патерберг во Клејсберген е последното искачување на трката на само 13,2 километри пред крајот.

Хагхук е претпоследниот рамен дел со калдрма на трката, 117,4 километри од целта.

Осумнаесет категоризирани искачувања, од кои 12 со калдрма. Дополнително, имало пет рамни делови со калдрма.

Искачувања и сектори со калдрма на Трката околу Фландрија 2017

Бр.	Име	Растојание од		Подлога	Должина (метри)	Наклон (%)
		Почеток (км)	Цел (км)			(прос.)	(макс.)
–	Липенховестрат	85,2	175,6	калдрма	1300	—
–	Падестрат	86,6	174,2	калдрма	1500	—
1	Ауде Кваремонт	116,3	144,5	калдрма	2200	4%	11,6%
2	Кортекер	126,8	134,0	асфалт	1000	6,4%	17,1%
3	Ејкенберг	134,5	126,3	калдрма	1200	5,2%	10%
4	Волвенберг	137,6	123,2	асфалт	645	7,9%	17,3%
–	Холевег	137,7	123,1	калдрма	1500	—
–	Хагхук	143,4	117,4	калдрма	2000	—
5	Леберг	146,4	114,4	асфалт	950	4,2%	13,8%
6	Берендрис	150,5	110,3	асфалт	940	7%	12,3%
7	Тенбосе	155,5	105,3	асфалт	450	6,9%	8,7%
8	Мур ван Герардсберген	165,8	95,0	калдрма	1075	9,3%	19,8%
9	Ла Упе	184,5	76,3	калдрма	2800	3,3%	10%
10	Канариберг	190,3	70,5	асфалт	1000	7,7%	14%
11	Ауде Кваремонт	206,2	54,6	калдрма	2200	4%	11,6%
12	Патерберг	209,6	51,2	калдрма	360	12,9%	20,3%
13	Копенберг	216,2	44,6	калдрма	600	11,6%	22%
–	Маријаборестрат	220,3	40,5	калдрма	2000	—
14	Стенбекдрис	221,6	39,2	асфалт	700	5,3%	6,7%
15	Тајенберг	224,1	36,7	калдрма	530	6,6%	15,8%
16	Крејсберг	234,3	26,5	асфалт	2500	5%	9%
17	Ауде Кваремонт	244,1	16,7	калдрма	2200	4%	11,6%
18	Патерберг	247,6	13,2	калдрма	360	12,9%	20,3%

Екипи

Бидејќи Трката околу Фландрија е настан од Светската турнеја, сите осумнаесет UCI World Tour екипи биле автоматски поканети и се обврзани да учествуваат на трката.^[8] Седум професионални континентални екипи биле дополнително поканети, кои биле објавени на 28 февруари 2017 година.^[9] Јенс Кекелејре од Орика-Скот бил исфрлен од трката утрината пред почетокот,^[10] поради што главната група била составена од 199 возачи.^[11]

Екипи од Светската турнеја на UCI (18) Бора-хансгрое Квик-Степ Флорс Лото-Судал БМЦ Рејсинг Канондејл-Драпак Трек-Сегафредо Орика-Скот Аг2р-Ла Мондијал Катјуша-Алпесин Астана Скај Дименжн Дата Мовистар Бахреин-Мерида Лото НЛ-Џамбо ФДЖ Санвеб ОАЕ Абу Даби Професионални континентални екипи (7) Спорт Вландерен-Балоас Ванти-Груп Гобер Верандас Вилемс-Крелан Директ Енержи Кофидис Ромпот-Недерландсе Лотереј Вилиер Триестина-Селе Италија

Поредок

Завршен пласман

^[12]

Генерален пласман Возач Екипа Време 1. Филип Жилбер Судал Квик-Степ 6ч 23' 45 2. Грег ван Авермат ССС Team + 29 3. Ники Терпстра Судал Квик-Степ + 29 4. Дилан ван Барле ЕФ Едукејшн-ИзиПост + 29 5. Александер Кристоф Катјуша-Алпесин + 53 6. Саша Модоло ОАЕ Емирати + 53 7. Џон Дегенколб Трек-Сегафредо + 53 8. Филипо Поцато Вилиер Триестина-Селе Италија + 53 9. Силвен Шаванел ТоталЕнержи + 53 10. Сони Колбрели Бахреин Викториус + 53 11. Михаел Валгрен Астана Казахстан Тим + 53 12. Лук Дарбриџ Тим Џејко АИУла + 53 13. Матео Трентин Судал Квик-Степ + 53 14. Јоан Офредо Интермарше-Сиркус-Ванти + 53 15. Џани Москон Инеос Гренадиерс + 53 16. Скот Твејтс Дименжн Дата + 53 17. Тони Галопен Лото-Судал + 53 18. Нелсон Оливеира Мовистар + 53 19. Фабио Фелине Трек-Сегафредо + 1' 01 20. Андре Грајпел Лото-Судал + 2' 29

Извор: ProCyclingStats