Тројани

Тројани — историско село на територијата на Општина Охрид (и делумно Општина Дебрца), југозападна Македонија.

Тројани
Тројани Местоположба на Тројани во Македонија Тројани на карта
Координати 41°10′42″N 20°46′24″E
Регион	Југозападен
Општина	Охрид
Население	нема жит. (поп. 2021)[1]
Шифра на КО
Надм. вис.	1.013 м
Тројани на општинската карта Атарот на Тројани во рамките на општината
Тројани на Ризницата

Географија

Селото било сместено во планинска местост на Вишовскиот Рид (Вишо), источно од с. Оровник, која и денес се нарекува Тројани. По раселувањето на селото, земјиштето му е поделено меѓу атарите на Оровник, Горно Лакочереј и Вапила. Како оставнина од селото, во атарот на Оровник денес се наоѓаат местата Тројнска Чука и Тројанско Поле и Тројанска Река, која се влева во р. Капеш. Во атарот на Горно Лакочереј има месност Тројански Извори.^[2]

Историја

Селото е посведочено во турски документи од крајот на XVI век. Во опширниот дефтер за Охридската нахија од 1536 до 1539 г. е забележано селото Тројани, со 7 христијански семејства и 1 неженет човек. Во дефтерот за периодот 1582-1583 г. во селото се водат 5 христијански семејства. Тројани е споменато и во Слепченскиот поменик од XVI и XVII век.^[2]

Според статистиката на Васил К’нчов („Македонија. Етнографија и статистика“) во 1900 г. Тројан чифлик имал 20 жители, сите Македонци.^[3][4]

На Етнографската карта на Битолскиот Вилает од 1901 г. Тројан е претставен како чисто македонско село во Охридската каза на Битолскиот санџак со 2 куќи.^[5]

Авионска несреќа

На 22 ноември 1993 г. на Тројани се срушил авион од типот Јак-42Д на „Авиоимпекс“, кој се враќал за Скопје од Женева, но бил пренасочен кон Охрид поради лошите временски услови на скопскиот аеродром. Сите осум членови на екипажот и 115 од 116-те патници загинале. Единствениот преживеан патник им подлегнал на повредите неколку дена подоцна во охридската болница.

Поврзано

• Голема Краста
• Гореничка Чука
• Дебела Леска