Цветишница

Цветишница (или Цветишинци) — село во Општина Старо Нагоричане, североисточна Македонија.

Цветишница
Цветишница Местоположба на Цветишница во Македонија Цветишница на карта
Координати 42°18′03″N 22°00′55″E
Регион	Североисточен
Општина	Старо Нагоричане
Област	Козјачија
Население	3 жит. (поп. 2021)[1]
Пошт. бр.	1302
Повик. бр.	031
Шифра на КО	17104
Надм. вис.	1000 м
Цветишница на општинската карта Атарот на Цветишница во рамките на општината
Цветишница на Ризницата

Географија и местоположба

Селото е сместено во областа Козјачија и е од разбиен тип, така што надморската висина се движи од 900 до 1.000 м. Атарот зафаќа површина од 4,3 км^2[2] Североисточниот дел на атарот се граничи со Србија (Општина Трговиште).

Историја

На крајот од XIX век Цветишница било мало македонско село во Кумановската каза на Отоманското Царство. Според статистиката на Васил К’нчов („Македонија. Етнографија и статистика“) од 1900 г. Цветишинци имало 140 жители, сите Македонци христијани.^[3][4]

Целото население на селото потпаднало под врховенството на Бугарската егзархија. По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Цветишници имало 80 Македонци, сите под егзархијата.^[5]

За време на Првата светска војна Цветишница била во состав на Општина Рамно и броела 69 жители.^[6]

Стопанство

Според податок од 1998 г. Цветишница има 196 ха обработливо земјиште, 170 ха шуми и 48 ха пасишта.^[2]

Население

Население во минатото

Година Нас. ±% 1948 107 —     1953 128 +19.6% 1961 141 +10.2% 1971 93 −34.0% 1981 43 −53.8%	Година Нас. ±% 1991 19 −55.8% 1994 30 +57.9% 2002 21 −30.0% 2021 3 −85.7%

Според пописот од 2002 година, во селото Цветишница имало 21 жител, од кои 20 Македонци и 1 Србин.^[7]

Според последниот попис од 2021 година, во селото живееле 3 жители, сите Македонци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	140	80	107	128	141	93	43	19	30	21	3

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Родови

Цветишница е македонско село.

Според истражувањата од 1950 година, родови во селото се:

• Доселеници: Марковци (2 к.), Ѓоринци (5 к.), Клинчаровци (4 к.) и Костинци (1 к.) сите се доселени од селото Црвени Град во Горна Пчиња во денешна Србија ; Баба-Китинци (3 к.) доселени се од некое село во околината на Врање во Србија; Дошлаци (3 к.) доселени се од Гулинци кај Крива Паланка.^[12]