Црква „Св. Никола“ - Присовјани
From Wikipedia, the free encyclopedia
Remove ads
Св. Никола — главна црква во струшкото село Подгорци, претставник на Македонската преродба. Му припаѓа на Струшкото архијерејско намесништво во Дебарско-кичевската епархија на МПЦ - ОА.
Црквата е гробишен храм сместен на југозападниот крај на селото. Според ктироскиот натпис над вратата на јужниот ѕид, храмот е изграден во 1852 година и живописан од Аврам Дичов во 1874 г.[1][2] Тој е автор и на натпрестолниот крст со Распетието.[3]
Царските двери се од средината на XVI век[4] и се дело на истакната работилница која дејствувала на територијата на Охридската архиепископија. Други дела на истата работилница се царските двери на „Прев. Богородица Перивлепта“ во Охрид (денес во Националниот историски музеј во Софија), дверите од „Големи Свети Врачи“ во Охрид (денес на иконостасот на „Пресв. Богородица Перивлепта“), дверите од непозната црква во Охрид (денес во Народниот музеј во Белград), дверите во „Св. Никола“ во Кореница, дверите од „Свети Ѓорѓи“ во Горна Влашка Маала во Охрид и дверите од „Св. Пантелејмон“ во Горно Нерези, Скопје.[5]
На долгиот ктиторски натпис над влезната врата се наведени имињата на мештаните заслужни за зографисувањето, како и на охридскиот митрополит Натанаил и на мајсторот Аврам Дичов.[6]
Remove ads
Слики
Влезот на црквата
Св. Никола на фреска над влезот
Црковната трпезарија
Споменик на паднатите илинденци и партизани од Малесија
Поврзано
Наводи
Надворешни врски
Wikiwand - on
Seamless Wikipedia browsing. On steroids.
Remove ads