Средноевропско летно време

Средноевропско летно време (англиски: Central European Summer Time, CEST) — назив на временско отстапување при сметање на времето во лето кое ја користи часовниот појас UTC+1, 2 понапред од координираното универзално време. Се користи при летно сметање на времето во највеќето европски земји. Во текот на зимата се користи средноевропското време (UTC+1).

Часовни појаси во Европа:

сино	Западноевропско време (UTC+0) Западноевропско летно време (UTC+1)
светлосино	Западноевропско време (UTC+0)
црвено	Средноевропско време (UTC+1) Средноевропско летно време (UTC+2)
беж	Источноевропско време (UTC+2) Источноевропско летно време (UTC+3)
жолто	Калининградско време (UTC+2)
зелено	Московско време (UTC+3)

Со светли бои се обележани земјите кои не сметаат летно време: Алжир, Мароко, Тунис, Исланд, Белорусија, Русија и Турција.

Сè до 1996 г. се сметало т.н. „европско летно време“ од последниот ден недела во март до последниот ден недела во октомври. Дотогаш правилата за сметање на ова време не биле исти во сите земји.^[1]

Примена

Средноевропското време се користи во следниве земји во текот на летото, помеѓу 1:00 UTC на последниот ден недела во март и 1:00 на последниот ден недела во октомври.

• Австрија, редовно од 1980 г.
• Албанија, редовно од 1974 г.
• Андора, редовно од 1985 г.
• Белгија, редовно од 1980 г.
• БиХ, редовно од 1983 г.
• Ватикан, редовно од 1966 г.
• Германија, редовно од 1980 г.
• Гибралтар, редовно од 1982 г.
• Данска (без прекуморски територии), редовно од 1980 г.
• Италија, редовно од 1966 г.
• Лихтенштајн
• Луксембург, редовно од 1977 г.
• Македонија, редовно од 1983 г.
• Малта, редовно од 1974 г.
• Монако, редовно од 1976 г.
• Норвешка, редовно од 1980 г.
• Полска, редовно од 1977 г.
• Сан Марино, редовно од 1966 г.
• Словачка, редовно од 1979 г.
• Словенија, редовно од 1983 г.
• Србија, редовно од 1983 г.
• Унгарија, редовно од 1980 г.
• Франција (без прекуморски територии), редовно од 1976 г.
• Холандија (без прекуморски територии), редовно од 1977 г.
• Хрватска, редовно од 1983 г.
• Црна Гора, редовно од 1983 г.
• Чешка, редовно од 1979 г.
• Шпанија (освен Канарските Острови), редовно од 1974 г.
• Шведска, редовно од 1980 г.
• Швајцарија, редовно од 1981 г.

Средноевропското летно време се користело и во Португалија од 1993 до 1995 г. и во Литванија од 1998 до 1999 г.

Поврзано

• Летно време
• Средноевропско време
• Други називи на часовниот појас UTC+2
• Часовен појас