Букојчани

Букојчани — село во Општина Кичево, во областа Кичевија, во околината на градот Кичево.

Букојчани
Букојчани Местоположба на Букојчани во Македонија Букојчани на карта
Координати 41°37′31″N 20°57′33″E
Општина	Кичево
Население	25 жит. (поп. 2021)[1]
Шифра на КО	12008
Надм. вис.	810 м
Букојчани на општинската карта Атарот на Букојчани во рамките на општината
Букојчани на Ризницата

Географија и местоположба

Селото се наоѓа во регионот Горно Кичево во подножјето на планината Буковик, оддалечено 14 километри северно од Кичево.

Историја

Според османлиски документи, во 1747 - 1748 година, жители на Букојчани воделе тужби против жителите и спахијата на селата Јагол и Строгомиште (Горно и Долно), кои завладеале со пасиштата на Букојчани.^[2]

Население

Население во минатото

Година Нас. ±% 1948 162 —     1953 185 +14.2% 1961 213 +15.1% 1971 210 −1.4% 1981 168 −20.0%	Година Нас. ±% 1991 55 −67.3% 1994 96 +74.5% 2002 97 +1.0% 2021 25 −74.2%

Во 1873 година било забележано дека во селото има 8 домаќинства и 29 жители.^[3]

Според бугарскиот етнограф Васил К’нчов, кон крајот на XIX век селото било мало и во 1900 г. имало 180 жители христијани (Македонци).^[4] Од другата страна пак, според бугарскиот публицист Димитар Мишев, селото во 1905 година имало 240 жители.^[5]

На Етнографската карта на Битолскиот Вилает од 1901 г. Букојчани се води како чисто македонско село во Кичевската каза на Битолскиот санџак со 25 куќи.^[6]

Според германска карта издадена во 1941 година, а заснована на пописот на Кралство Југославија во 1931 година, селото имало 100 Македонци.^[7]

Според податоците од 2002 година, во селото има 97 жители, од кои: 23 Македонци и 74 Албанци.^[8]

Според последниот попис од 2021 година, во селото живееле 25 жители, од кои 8 Македонци, 14 Албанци и 3 лица без податоци.^[9]

На табелата е прикажан националниот состав на населението низ сите пописни години:^[10]

Година	Македонци	Албанци	Турци	Роми	Власи	Срби	Бошњаци	Ост.	Лица без под.	Вкупно
1948	—	—	—	—	—	—	—	—	—	162
1953	165	19	—	—	—	—	—	1	—	185
1961	185	28	—	—	—	—	—	—	—	213
1971	180	30	—	—	—	—	—	—	—	210
1981	129	36	—	—	—	—	—	3	—	168
1991	55	—	—	—	—	—	—	—	—	55
1994	47	49	—	—	—	—	—	—	—	96
2002	23	74	—	—	—	—	—	—	—	97
2021	8	14	—	—	—	—	—	—	3	25

Родови

Букојчани е македонско село.

Родови во селото се:

• Староседелски: Вељановци (9 к.), Ридовци или Радичевци (3 к.), Сибиновци (3 к.), Марковци (1 к.), Наумовци (4 к.) и Вујовци (3 к.)
• Доселенички: Шендевци (4 к.) и Стојановци (3 к.) доселени се од Белица во Копачка.^[11]

Според истражувањата пак на Тома Смиљаниќ во периодот од 1921-1926 година родови во селото се:

• Староседелски: Лазевци (5 к.) и Мијајловци (4 к.)
• Доселенички: Стојановци (2 к.) доселени се од селото Маврово кај Гостивар; Радичовци (1 к.) доселени се однекаде.^[12]

Самоуправа и политика

Избирачко место

Во селото постои избирачкото место бр. 823 според Државната изборна комисија, сместени во просториите на приватна деловна просторија.^[13]

На претседателските избори во 2019 година, на ова избирачко место биле запишани вкупно 96 гласачи.^[14]

Културни и природни знаменитости

Цркви

• Црква „Св. Никола“ - изградена во седумдесеттите години на минатиот век, на темели од стара црква градена во 1882 година, а потоа урната. Фрескоживописот е дело на зографот Кузман Фрчкоски од Галичник, работен во периодот од 1976 - 1978 година.

Личности

• Бранко Наумоски (1951 - ) - македонски правник, омбудсман и уставен судија;^[15]
• Војо Стојановски (1949 - 2014) - македонски пејач;
• Гашо Тришески - Гаги - македонски фолк пејач;^[16]
• Билјан Стојановски - македонски фолк пејач;

Поврзано

• Кичевско Поле
• Општина Зајас
• Кичево