Глумово

Глумово — село во Општина Сарај, во околината на градот Скопје.

Глумово
Поглед на селото Глумово со отворот на клисурата Матка во позадината
Глумово Местоположба на Глумово во Македонија Глумово на карта
Координати 41°58′46″N 21°18′15″E
Општина	Сарај
Население	2.152 жит. (поп. 2021)[1]
Шифра на КО	25048
Надм. вис.	919 м
Глумово на општинската карта Атарот на Глумово во рамките на општината
Глумово на Ризницата

Свадбари во Глумово, 1920-ти.

Географија и местоположба

Селото Глумово се наоѓа на левиот брег на Треска, по излезот на клисурата Матка.

Историја

Во XIX век, селото е дел од нахијата Дервент во Скопската каза во Отоманското Царство.

Според опширните османлиски дефтери за населението на Скопската Каза од 1832/33 година, селото било мешано со христијанско и муслиманско население, каде имало 6 христијански^[2] и 20 муслимански^[3] домаќинства. На овој попис биле забележани 15 мажи христијани, со 1 новороденчe и 56 мажи муслимани со 11 новороденчиња. Се проценува дека селото во тој период имало 166 жители.

Стефан Верковиќ во 1857 го бележи со 283 жители.^[4]

Според податоците на бугарскиот публицист Васил К’нчов, селото во 1900 година имало 210 жители, од кои 180 жители Албанци муслимани и 30 Македонци христијани.^[5]

Како село со албанско население било означено и од страна на Леонард Шулце Јена во 1927 година.^[6]

Исто така, слични податоци дава и Афанасиј Селишчев во 1929 година.^[7]

Според германска карта издадена во 1941 година, а заснована на пописот на Кралството Југославија во 1931 година, селото имало 350 Албанци.^[8]

Население

Население во минатото

Година Нас. ±% 1948 506 —     1953 574 +13.4% 1961 700 +22.0% 1971 — —     1981 — —	Година Нас. ±% 1991 — —     1994 — —     2002 1.683 —     2021 2.152 +27.9%

На пописот од 2002 година, селото имало 1.683 жители, од кои 4 Македонци, 1.646 Албанци, 1 Турчин, 1 Србин, 28 Бошњаци и 3 останати.^[9]

Според последниот попис од 2021 година, во селото живееле 2.152 жители, од кои 1 Македонец, 2.060 Албанци, 32 Бошњаци, 1 останат и 58 лица без податоци.^[10]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	210	—	506	574	700	—	—	—	—	1.683	2.152

Извор за 1900 г.: Македонија. Етнографија и статистика.^[11]; за 1905 г.: La Macédoine et sa Population Chrétienne.^[12]; за 1948-2002 г.: Државен завод за статистика на РМ.^[13]; за 2021 г.: Државен завод за статистика на РМ.^[14]

Родови

Глумово е албанско село.

Според истражувањата од 1940-тите родови во селото се:

• Љума (4 к.) доселени се во XVIII век од областа Љума во северна Албанија.
• Суџе (17 к.) доселени се во исто време со претходниот род, од некое место во Албанија.
• Шкека (11 к.) доселени се од местото Дарда кај Матија во Албанија.
• Љока (5 к.) и Мукеле (4 к.) доселени се од северна Албанија.
• Кондовали (8 к.) доселени се од селото Кондово. А таму од Љума во Албанија.
• Чакалар (4 к.) доселени се од северна Албанија.
• Селарево (4 к.) доселени се од селото Седларево. Нивното потекло е торбешко. Од каде дошле во Седларево не знаат точно.^[15]

Личности

• Блерим Беџети (р. 1970) — политичар и пратеник
• Башким Амети (р. 1983) — Министер за животна средина и просторно планирање 2016-

Поврзано

• Општина Сарај
• Скопје