Кошќушко (национален парк)

Кошќушко (Kosciuszko National Park)) е најголемиот национален парк во aвстралиската сојузна држава Нов Јужен Велс. Паркот е дел од Австралиските Алпи, а името го добил по истоимената планина, на која се наоѓа највисокиот врв во Австралија кој исто така влегува во склопот на овој национален парк.

Национален парк Кошќушко
Држава/територија	Нов Јужен Велс
Координати	36°04′20″S 148°20′55″E
Површина	6.900 км2
Портал	www.environment.nsw.gov.au/NationalParks/parkHome.aspx?id=N0018

Карта на Националниот парк Кошќушко.

Синото Езеро во Националниот парк Кошќушко.

Од 1977 година, поголемиот дел од паркот е вклучен во светската мрежа на биосферни резервати.^[1] Во 1996 година, Синото езеро кое се наоѓа во паркот, било внесено на списокот на мочуришта заштитени со Рамсарската конвенција.^[2] Во 2008 година, Националниот парк Кошќушко, заедно со другите заштитени подрачја од Австралиските Алпи, бил вклучен во списокот на австралиско национално наследство.^[3]

Физички и географски одлики

Националниот парк се наоѓа во источниот дел од сојузната држава и се граничи со Националниот парк Намаџи во Викторија. Кошќушко е најголемиот национален парк во Нов Јужен Велс и Австралиските Алпи. Планината Кошќушко која се наоѓа на територијата од паркот достигнува висина од 2228 метри.^[4] Висината над морското ниво се движи од 213 метри до оваа ознака.^[5]

На територијата на националниот парк Кошќушко извираат најголемите реки во регионот: Снежната река, Мари и Марумбиџи.^[1] Освен тоа, во паркот има пет езера од глацијално потекло меќу кои позначајни се: Синото Езеро, Албина и Хедли Тарн. Синото езеро е едно од четирите езера во Австралија сместено на дното од цирк.^[6]

Биосферниот резерват ја зафаќа речиси целата површина на националниот парк: 6255,25 км².^[1]

Флора и фауна

Во паркот има шест зони со диви животни: Бјадбо, Пилот, Јагунгал, Богонг Пикс, Губарагандра и Бимбери, со вкупна површина од околу 3000 км². Овде виреат ретки видови, меѓу кои има и многу ендемични видови.^[4]

Меѓу ретките животни кои го населуваат паркот се планинскиот џуџест опосум (лат: Burramys parvus), кој до 1966 година се сметал за изумрен до 1966 година, и жабата Pseudophryne corroboree.^[4]

Туризам

Националниот парк Кошќушко е еден од најпознатите национални паркови во Австралија, кој годишно го посетуваат околу три милиони туристи. Во паркот се наоѓаат сите скијачки центри во Нов Јужен Велс.^[4]

Поврзано

• Австралиски Алпи
• Национални паркови и резервати на Австралиските Алпи
• Последен глацијален максимум
• Национални паркови во Нов Јужен Велс
• Заштитени области на Нов Јужен Велс
• Снежни Планини
• Тадеуш Кошќушко
• Список на биосферни резервати во Австралија