Маракуја

Маракуја или јадливо часовниче (науч. Passiflora edulis) — ползечки вид од родот часовниче (Passiflora) со потекло од Бразил, Парагвај и Северна Аргентина.

Маракуја
Цвет на маракујата
Плод на маракујата
Научна класификација
Царство:	Растенија
Ред:	Малпигиовидни
Семејство:	Часовничиња
Род:	Часовниче
Вид:	Маракуја
Научен назив
Passiflora edulis Sims, 1818

Се одгледува како ароматично овошје во тропските и суптропските краишта, како и Јужна Америка, Средна Америка, Карибите, Африка (каде се нарекува виолетова гранадила), јужна Азија, Израел, Австралија, Хаваи (каде се нарекува лиликои)^[1] и САД.

Плодот е топчест до јајцевиден, жолт или темновиолетов по боја со сочна внатрешност и поголем број семки.^[1][2] Се јаде самостојно, но и се додава во сокови како додаток за вкус.^[3]

Разновидности

Постојат неколку различни разновидности на маракуја со различен изглед.^[1] Светложолтата flavicarpa (наречена „златна маракуја“) може да достигне големина на грејпфрут, има мазна и сјајна ровка кора, и во Австралија се користи како присад за виолетовата маракуја.^[1] Темновиолетовата edulis е помала од лимон, помалку кисела од жолтата и има побогата арома и вкус.

Неколку разновидности се богати со полифенол,^[4][5] а жолтите^[6]}} содржат пруназин и други цијаногени гликозиди во лушпата и сокот.^[6]

Употреба

Mасло

Од семките на маракујата се добива масло кое содржи линолна киселина (77%), олеинска киселина (15%) и палмитинска киселина (10%). Наоѓа различни примени во производството на козметика и во исхраната.

Хранлива вредност

Маракуја, виолетова, сирова

Енергија	406 kJ (97 kcal)
Витамини и минерали Витамини Количина %ПДВ† Витамин А (екв.) бета-каротин 7% 64 μg 7% 743 μg Рибофлавин (Б2) 10% 0.13 mg Ниацин (Б3) 9% 1.5 mg Витамин Б6 6% 0.1 mg Фолат (Б9) 4% 14 μg Холин 1% 7.6 mg Витамин Ц 33% 30 mg Витамин К 1% 0.7 μg Минерали Количина %ПДВ† Калциум 1% 12 mg Железо 9% 1.6 mg Магнезиум 7% 29 mg Фосфор 5% 68 mg Калиум 12% 348 mg Натриум 1% 28 mg Цинк 1% 0.1 mg
На базата на USDA
†Процентите се проценети врз основа на препораките во САД за возрасни,[7] освен за калиум, кој се проценува врз основа на експертските препораки на Националните академии.[8]

Свежата маракуја содржи витамин Ц (36%), прехранбени влакна (42%), Б-витамините рибофлавин (11%) и ниацин (10%), железо (12%) и фосфор (10%) како значаен дел од дневната вредност.^[9]

Галерија

• 
  Пресечена виолетова маракуја
• 
  Жолти маракуи
• 
  Виолетови маракуи
• 
  Големинска разлика помеѓу жолтата и виолетовата маракуја

Поврзано

• Џиновска гранадила
• Слатка гранадила
• Месесто часовниче