Саксонска Шума

Саксонска Шума (германски: Sachsenwald) — една од двете слободни области во сојузната покраина Шлезвиг-Холштајн. Другата е Буххолц, во округот Зегеберг. Се наоѓа источно од Хамбург во југозападниот дел на округот Војводство Лауенбург и се граничи со округот Штормарн.

Саксонска Шума Sachsenwald
Местоположба на Саксонската Шума во округот Војводство Лауенбург, светлоцрвената е општинската заедница Хое Елбгест
Слободна област
Местоположба:	источно од Хамбург
Покраина:	Шлезвиг-Холштајн
Округ:	Војводство Лауенбург
Општ. заедница:	Хое Елбгест
Површина:	58,49 км2
Население:	официјално ненаселена
Поштенски број:	21521
Повикувачки број:	04104
Администрација:	Рупрехт фон Хаген Am Schloßteich 1 21521 Фридрихсру
Мрежно место:	Sachsenwald.de
Делови:	3 подрачја
Шварце Ау источно од Штангентајх
Биле во северниот дел на Саксонската Шума кај Вицхафе

Географија

Саксонската Шума зафаќа површина од близу 70 км² и со тоа е најголемата шумска област во Шлезвиг-Холштајн. Припаѓа на општинската заедница Хое Елбгест како слободна област.

Саксонската Шума поделена е на три подрачја:

• Аумиле
• Волторф
• Штангентајх

На пописот на населението од 25 мај 1987 година во областа се запишани шест станбени објекти, сите ненаселени.

Населените делови на шумата припаѓаат како енклави на општината Аумиле.^[1]

Низ Саксонската Шума во насока исток-запад тече Шварце Ау. Долж северозападната граница на областа тече реката Биле, во која кај Аумиле се влева Шварце Ау.

Целокупната долина на Биле е прогласена за природна област.

Површина

Областа се состои 94% од шума, одвај три проценти од земјоделска површина и три проценти патишта:^[2]

Површина 31 декември 2004	Хектари	Проценти
Шума	5.490	93,9
Земјоделска површина	145	2,5
Мор	6	0,1
Сообраќајни површини	22	0,4
Патишта	132	2,3
Градби	1	0,0
Слободна површина	1	0,0
Претпријатија	8	0,1
Водотеци	23	0,4
Без употреба	16	0,3
Вкупно	5.849	100,0

Сообраќај

Патен

Саксонската Шума е важна област за одмор за Хамбург. Патишта кои поминуваат низ Саксонската Шума се:

• Автопатот А 24 (4км од исток на запад во северниот дел)
• Сојузниот автопат Б404 (5,5 км од Касебург на север кон Шварценбек на југоисток во источниот дел)
• Покраинскиот пат Л208 (10 км од Гранде на север кон Крепелсхаген-Фарендорф на југ во западниот дел)
• Покраинскиот пат Л314 (6 км од Аумиле на запад кон Дасендорф на југ во западниот дел)

Железнички

• Низ областа поминува линијата Хамбург-Шверин-Росток во насока исток-запад, на која сообраќа регионалниот воз Р20. Блиски постојки се Аумиле, Фридрихсру и Шварценбек.
• Линијата С21 на хамбуршката С-Железница завршува на постојката Аумиле.

Знаменитости

• Замок Фридрихсру со музеј и мавзолеј на Бизмарк (замокот не е јавен)
• Градина на пеперутки во Фридрихсру (отворен цела година)
• Клетергартен
• Фондација Ото фон Бизмарк во железничката станица на Фридрихсру