Тодор Петков

Тодор Петков Огњанов (1814 - 1899) — македонски градител и копаничар, претставник на Дебарската школа.

Тодор Петков
Роден(а)	1814 Гари, Реканско
Починал(а)	1899
Националност	Македонец
Занимање	градител, копаничар
Познат(а) по	куќи, цркви и црковна резба
Значајни дела	во текстот
Деца	Јаким Тодоров Нестор Тодоров
Родители	Петко Огњанов

Куќата на Робевци во Охрид.

Биографија

Роден е во 1814 г. во реканското село Гари, во семејството на копаничарот Петко Огњанов. За занимавал со градежништво и копаничарство, но повеќе се истакнал во архитектонските дела. Под негово раководство се изградени многу куќи и кули за охридски бегови и македонски чорбаџии.^[1]

Меѓу неговите најзначајни дела се вбројува Куќата на Робевци (браќата Анастас и Ангеле) во Охрид. Тодор Петков ги изработил резбите во Анастасовиот дел на куќата, но за деловите да е разликуваат, резбите на таваните, долапите и други места во Ангеловиот дел се дело на друг копаничар. Двајцата мајстори не биле во контакт сè со свршувањето на работата.^[2]

Во 1886 – 1887 г. Тодор Петков ги изработил иконостасите, амвоните и владичките престоли на црквите „Св. Архангел Михаил“ во Лавчани, „Св. Варвара“ во Лин и црквата во Крчица,^[2] веројатно Царишта (обете денес во Албанија). Во текот на следните две години ја изградил црквата „Св. Петка“ во Горна Белица. Поради болест престанал со работа и му го доверил довршувањето на иконостасот на синот Јаким Тодоров.^[1]

Родословие

Јанкул

Огњан Јанкулов

Петко Огњанов

Тодор Петков (1814 — 1899)

Јаким Тодоров (1861 — ?)

Нестор Тодоров