Брезница (Порече)
село во Општина Македонски Брод From Wikipedia, the free encyclopedia
Брезница — село во Општина Македонски Брод, во областа Порече, во околината на градот Македонски Брод.
За други значења на поимот, погл. Брезница (појаснување).
| Брезница | |
Поглед на населбата Брезничка под селото Брезница | |
  Брезница Местоположба на Брезница во Македонија
Брезница на карта
| |
| Координати 41°44′12″N 21°13′35″E | |
| Регион |  Југозападен |
| Општина |  Македонски Брод |
| Област | Порече |
| Население | 8 жит. (поп. 2021)[1] |
| Пошт. бр. | 6535 |
| Повик. бр. | 045 |
| Шифра на КО | 03007 |
| Надм. вис. | 1.000 м |
|
Брезница на општинската карта  Атарот на Брезница во рамките на општината | |
 Брезница на Ризницата | |
Под селото се наоѓа Брезничка населба, сместена на бреговите на езерото Козјак.
Името на селото првпат е споменато како „Брезница“ во турски документи од 1589 година. Името потекнува од Брезна со значење „река“ и негово придавно образување -ица. Од хидронимиското име Брезница од атрибутска синтагма „Брезна (Река) + -ица“ и означува место каде што има бреза или река покрај која има бреза.[2]
Селото се наоѓа во областа Порече, на десната страна на реката Треска, во источниот дел на Општина Македонски Брод, чиј атар се допира со подрачјето на Општина Сопиште.[3] Селото е планинско, на надморска височина од 1.000 метри.[3]
Има мошне голем атар, којшто зафаќа површина од 30,8 км2. На него преовладуваат шумите на површина од 3.052,1 хектар, на обработливото земјиште отпаѓаат 115 хектари, а на пасиштата 95,8 хектари.[3]
Во XIX век, Брезница било село во Поречката нахија на Кичевската каза на Отоманското Царство.
Вкупно 6 жители на оваа населба се заведени како жртви во Втората светска војна.[4]
Селото има полјоделско-шумарска функција.[3]
|
| |||||||||||||||||||||||||||||||||
Според податоците на Васил К’нчов („Македонија. Етнографија и статистика“) од 1900 година, во селото Брезница имало 280 жители, сите Македонци.[5] По податоците на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Брезница имало 240 жители.[6]
На Етнографската карта на Битолскиот Вилает од 1901 г. Брезница се води како чисто македонско село во Кичевската каза на Битолскиот санџак со 15 куќи.[7]
Според германска карта издадена во 1941 година, а заснована на пописот на Кралство Југославија во 1931 година, селото имало 250 Македонци.[8]
Во 1961 година, селото броело 332 жители, додека во 1994 година бројот се намалил на 94 жители, македонско население.[3]
Според пописот од 2002 година, во селото Брезница имало 49 жители, сите Македонци.[9]
Според последниот попис од 2021 година, во селото живееле 8 жители, сите Македонци.
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 280 | 240 | 295 | 319 | 332 | 349 | 186 | 97 | 94 | 49 | 8 |
- Извор за 1900 г.: Македонија. Етнографија и статистика.[10]; за 1905 г.: La Macédoine et sa Population Chrétienne.[11]; за 1948-2002 г.: Државен завод за статистика на РМ.[12]; за 2021 г.: Државен завод за статистика на РМ.[13]
Родови
Брезница е македонско православно село. Селото Брезница го основал зетот на основачот на селото Тажево, кој дошол најпрво во Тажево како овчар од Дебарско. Тој потоа ја земал за жена сестрата на основачот на Тажево, која била саката исто како и него и го основал селото. Од основачот на селото кој дошол од Дебарско потекнува цело село.
Родови во селото се: Богдановци (12 к.); Средномалевци (16 к.) и Папуревци (8 к.).
Селото влегува во рамките на Општина Македонски Брод, која била променета со новата територијална поделба на Македонија во 2004 година, при што кон нејзе била придодадена поранешната Општина Самоков. Во периодот од 1996-2004 година, селото било во рамките на некогашната Општина Самоков.
Во периодот 1950-1952, селото било седиште на некогашната општина Брезница, во која влегувале селата Брезница и Тажево.
Во периодот 1952-1955, селото било дел од тогашната општина Модриште, во која покрај селото Брезница се наоѓале селата Белица, Вир, Калуѓерец, Могилец, Модриште, Локвица, Тажево и Црешнево.
Во периодот 1955-1957, селото било дел од тогашната општина Манастирец.
Во периодот 1957-1965, селото се наоѓало во некогашната општина Брод.
Во периодот 1965-1996 година, селото се наоѓало во рамките на големата Општина Брод.
Избирачко место
Во селото постои избирачко место бр. 0268 според Државната изборна комисија, кое е сместено во приватна просторија.[14]
На локалните избори во 2017 година, на ова избирачко место биле запишани вкупно 25 гласачи.[15] На претседателските избори во 2019 година, на ова избирачко место биле запишани вкупно 23 гласачи.[16]
- Војислав Сајковиќ (некаде и Сајковски) — четник. дел од равногорското движење на Дража Михајловиќ.
- Апостол Апостолоски (1924 - 1945) — загинат во НОБ.[17]
- Владимир Мојсоски (1924 - 1944) — загинат во НОБ.[17]
- Љубе Јорданоски (1920 - 1944) — загинат во НОБ.[17]
- Стојко Милески (1926 - 1944) — загинат во НОБ.[18]
- Аце Стојчески (1926 - ?) — загинат во НОБ.[17]
- Цркви[21]
- Црква „Св. Никола” — главна селска црква
- Црква „Успение на Пресвета Богородица”
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
