џамија во Отушиште, Теарце, Тетовско From Wikipedia, the free encyclopedia
Стара џамија — османлиска џамија во поранешното село Отушиште, денес маало на селото Теарце, Тетовско. Му припаѓа на Тетовското муфтиство на ИВЗ и прогласена е за значајно културно наследство на Македонија.[1]
Стара џамија | |
---|---|
Основни податоци | |
Место | Отушиште, Теарце, Македонија |
Координати | 42°04′46.8″N 21°03′20.1″E |
Припадност | сунитски ислам |
Архитектонски опис | |
Архитектонски тип | џамија |
Архитектонски стил | османлиски |
Завршен | 1906 - 1907 |
Особености | |
Минариња | 1 |
Прогласен за | културно наследство на Македонија |
Џамијата се наоѓа во центарот на селото, на главната улица „Маршал Тито“. Од сите страни е обиколена со улици и нема двор. Од североисточната страна има стара воденица, која сè уште работи. Џамијата е од типот на еднопросторни ашхаб-џамии на квадратна основа и покриена е со покрив на четири води и има масивни камени ѕидови. Влезот е преку затворен трем, каде се доградени чешми. На челната стена лево и десно од влезната врата има по еден михраб. Вратата има украсни геометриски елементи и стилизирани метални розети со алки. Во молитвениот простор доминира слепата дрвена купола, обработена со шарени цветни мотиви. Михработ е украсно обработен и поставен на југоисточниот ѕид со минбер во аголот. На северозападниот ѕид со дрвена конструкција е поставен махвил (галерија). Ѕидовите се украсени и со рамномерно поставени цветни елементи. Минарето е поставено на северозападниот агол на џамијата. Тоа е многуаголно, со основа од обработен бигор и завршува со конусен покрив. Преодот кон шерефето е украсен со стакалктити. На минарето се вградени две плочи. Eдната e камена, на која стои исламската година „1324“, односно 1906 - 1907 по грегоријанскиот календар; другата е мермерна со истата година, како и годината на реконструкција — 1988.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.