കേരളത്തിലെ എറണാകുളം ജില്ലയിൽ സ്ഥിതി ചെയ്യുന്ന ഒരു ഗ്രാമമാണ് മുല്ലപ്പുഴച്ചാൽ. ആയവന ഗ്രാമപഞ്ചായത്തിന്റേയും മൂവാറ്റുപുഴ താലൂക്കിന്റേയും ഭാഗമാണ് ഈ ഗ്രാമം. ഇടുക്കി പാർലമെൻ്റ് മണ്ഡലത്തിൽ ഉൾപ്പെട്ടിരിക്കുന്ന ഇത് മൂവാറ്റുപുഴ നിയമസഭാ മണ്ഡലത്തിലാണ്. ജില്ലാ ആസ്ഥാനമായ കാക്കനാടിന് നിന്ന് 49 കിലോമീറ്റർ കിഴക്കായി സ്ഥിതി ചെയ്യുന്ന ഇവിടേയ്ക്ക് മൂവാറ്റുപുഴയിൽ നിന്ന് 6 കിലോമീറ്റർ ദൂരമുണ്ട്. എറണാകുളം ജില്ലയുടേയും ഇടുക്കി ജില്ലയുടേയും അതിർത്തിയിലാണ് ഈ സ്ഥലം സ്ഥിതി ചെയ്യുന്നത്.