လှမြင့် (တရားသူကြီး)

ဒေါ်လှမြင့် (၁၉၆၃ မွေးဖွား)သည် အမျိုးသမီးတရားသူကြီး တစ်ဦး ဖြစ်ပြီး၊လက်ရှိတွင် မန္တလေးတိုင်းဒေသကြီးတရားလွှတ်တော် တရားသူကြီးချုပ် အဖြစ် တာဝန်ထမ်းဆောင်နေသူဖြစ်သည်။^[၁]

ဒေါ် လှမြင့်
မန္တလေးတိုင်းဒေသကြီးတရားလွှတ်တော် တရားသူကြီးချုပ်
တာဝန်ထမ်းဆောင်ဆဲ
တာဝန် စတင် ၁၂ စက်တင်ဘာ ၂၀၂၅
ခန့်အပ်သူ	အမျိုးသားကာကွယ်ရေးနှင့်လုံခြုံရေးကောင်စီ
သမ္မတ	ဗိုလ်ချုပ်မှူးကြီး မင်းအောင်လှိုင် (ယာယီ)တာဝန်
ဝန်ကြီးချုပ်	ဦးညိုစော
ယခင်လူ	ဒေါ်ခင်သင်းဝေ
မန္တလေးတိုင်းဒေသကြီးတရားလွှတ်တော်တရားသူကြီး
တာဝန်သက်တမ်း ၁၅ ဇူလိုင် ၂၀၁၉ – ၁၂ စက်တင်ဘာ ၂၀၂၅
ခန့်အပ်သူ	ဦးဝင်းမြင့်
သမ္မတ	ဦးဝင်းမြင့် ဦးမြင့်ဆွေ (ယာယီ) ဗိုလ်ချုပ်မှူးကြီး မင်းအောင်လှိုင် (ယာယီ)တာဝန်
ကိုယ်ရေး အချက်အလက်များ
မွေးဖွား	၁၉၆၃ မြန်မာနိုင်ငံ
လူမျိုး	မြန်မာ
ပညာရေး	ရန်ကုန်တက္ကသိုလ်
အလုပ်အကိုင်	တရားသူကြီး

ဝန်ထမ်းဘဝ

ဒေါ်လှမြင့် သည် ၁၉၈၅ခုနှစ်တွင် ရန်ကုန်တက္ကသိုလ် မှ ဥပဒေဘွဲ့ကို ရရှိခဲ့သည်။၁၉၈၇ခုနှစ်တွင် တရားရေးအရာရှိအဆင့် (၄)အဖြစ် တရားရေးဌာနတွင် စတင်ဝင်ရောက်ခဲ့ပြီး၊ တရားရုံး အဆင့်ဆင့်တွင် တရားသူကြီးအဖြစ် တာဝန်ထမ်းဆောင်ခဲ့သည်။^[၂]

သူသည် ရှေ့နေရှေ့ရပ် နှင့် စစ်ဆေးရေးဌာန၊ ပြည်ထောင်စု တရားစီရင်ရေး ကြီးကြပ်မှုရုံး၊ ပြည်ထောင်စုတရားလွှတ်တော်ချုပ် ၌ ဒုညွှန်ကြားရေးမှူးအဖြစ် တာဝန်ထမ်းဆောင်ခဲ့ပြီး ဝန်ထမ်းဘဝမှ အနားယူခဲ့သူဖြစ်သည်။

သူ၏ ဝန်ထမ်းလုပ်သက်မှာ စုစုပေါင်းလုပ်သက် (၃၂)နှစ်ကျော် ရှိသည်။

တရားလွှတ်တော်တရားသူကြီး

မန္တလေးတိုင်း ဒေသကြီးတရားလွှတ်တော် တရားသူကြီးအဖြစ် ၂၀၁၉ခုနှစ်၊ဇူလိုင် ၁၀ ရက် တွင် မန္တလေးတိုင်းဒေသကြီးလွှတ်တော်အထူးအစည်းအဝေး၌ မန္တလေးတိုင်းဝန်ကြီးချုပ် ဒေါက်တာဇော်မြင့်မောင်က အဆိုပြုတင်သွင်းခဲ့ပြီး၊၂၀၁၉ခုနှစ်၊ဇူလိုင် ၁၁ ရက် တွင် လွှတ်တော်က အတည်ပြုပေးခဲ့သည်။^[၃]

၂၀၁၉ ခုနှစ်၊ ဇူလိုင်လ ၁၅ ရက်နေ့တွင် သမ္မတဦးဝင်းမြင့် က တိုင်းတရားလွှတ်တော်၏တရားသူကြီး အဖြစ် ခန့်အပ်ပေးခဲ့သည်။ထိုတာဝန်ကို ၂၀၂၅ ခုနှစ် စက်တင်ဘာ ၁၂ ရက် အထိ ထမ်းဆောင်ခဲ့သည်။

တရားလွှတ်တော်တရားသူကြီးချုပ်

မန္တလေးတိုင်းဒေသကြီးတရားလွှတ်တော် တရားသူကြီးချုပ် ဒေါ်ခင်သင်းဝေ သည် ပြည်ထောင်စုရွေးကောက်ပွဲကော်မရှင် အဖွဲ့ဝင် အဖြစ် ပြောင်းရွှေ့ခန့်အပ်ခံရပြီးနောက်^[၄] သူသည် တရားလွှတ်တော်တရားသူကြီးချုပ် နေရာအား တာဝန်ပေးအပ်ခံရသည်။

ပုဂ္ဂိုလ်ရေးဘဝ

ဒေါ်လှမြင့်သည် အိမ်ထောင်မရှိသူ တစ်ဦးဖြစ်သည်။