Albumet Hotel California

Hotel California er det femte studioalbumet til amerikansk rockeband Eagles, gjeve ut på Asylum seint i 1976. Det er det første Eagles-albumet utan den opphavlege medlemmen Bernie Leadon og det første med gitaristen Joe Walsh. Det er òg det siste Eagles-albumet med bassisten Randy Meisner. Albumet vart det bestseljande studioalbumet deira med over 16 millionar eksemplar i USA aleine og 32 millionar eksemplar verda over. Albumet toppa listene og vann Grammy-prisen to gonger for «Hotel California» og «New Kid in Town». Albumet vart nominert til årets album, men tapte for Fleetwood Mac sitt Rumours.

Hotel California Studioalbum av Eagles
Språk	engelsk
Utgjeve	8. desember 1976
Innspelt	Mars–oktober 1976
Studio	Criteria Studios i Miami og Record Plant Studios i Los Angeles
Sjanger	Rock hardrock countryrock softrock
Lengd	43:28
Selskap	Asylum
Produsent	Bill Szymczyk
Eagles-kronologi
Their Greatest Hits (1971–1975) (1976)	Hotel California	The Long Run (1979)
Singlar frå Hotel California
«New Kid in Town» Utgjeve: 7. desember 1976 «Hotel California» Utgjeve: 12. mars 1977 «Life in the Fast Lane» Utgjeve: 3. mai 1977

Meldingar
Karakter
Kjelde	Karakter
AllMusic	[1]
Robert Christgau	(B)[2]
Rolling Stone	(positiv)[3]
Rolling Stone	(positiv)[4]

Albumet inneheld tre topp 20-singlar, «New Kid in Town», «Hotel California» og «Life in the Fast Lane». «New Kid in Town» og «Hotel California» toppa begge Billboard Hot 100, og «Life in the Fast Lane» nådde 11. plassen på lista. Albumet vart rangert på 37. plassen på lista til Rolling Stone over dei 500 beste albuma gjennom tidende. Albumet stadfesta gruppa som eit av dei mest populære, amerikanske banda i 70-åra. Songen «Hotel California» vert av mange rekna som den beste rockesongen gjennom tidende og vart av Rolling Stone plassert på 49. plass på lista deira over dei 500 beste songane gjennom tidende. Gitarduetten mot slutten av songen vart framført av Don Felder og Joe Walsh. Albumet inneheld òg «Wasted Time», «Victim of Love» og «The Last Resort».

Historie

Hotel California var det femte studioalbumet til Eagles med originale songar og vart ein stor kritikar- og salssuksess etter det kom ut seint i 1976. Det har seld over 16 millionar eksemplar i USA aleine, der det låg på toppen av albumlista i åtte veker tidleg i 1977, og to av songane på albumet nådde førsteplassen av singellista i USA: «New Kid in Town» den 26. februar 1977, og «Hotel California» den 7. mai 1977.

I 2001 sette VH1 Hotel California på 38. plass på lista si over dei 100 beste albuma gjennom tidende. I ei folkeundersøking til den britiske TV-kanalen Channel 4 på 13. plass på ei liste over dei 100 beste albuma gjennom tidene, og i 2003 sette Rolling Stone albumet på 37. plassen.^[5]

Medan Eagles spelte inn albumet, spelte Black Sabbath inn albumet Technical Ecstasy i nabostudioet i Criteria Studios i Miami. Eagles måtte fleire gonger ta ein pause fordi Black Sabbath spelte så høgt at lyden kom gjennom veggen.^[6]

Medlemmar av Eagles har skildra albumet som ein metafor for den oppfatta nedgangen i Amerika til materialisme og dekadanse.I eit intervju med det nederlandske magasinet ZigZag kort tid før albumet kom ut, sa Don Henley:

«

Dette er eit konseptalbum, det er ikkje noko tvil om det, men [i motsetnad til Desperado frå 1973] er det ikkje sett til den gamle Vesten, cowboysaken. Det er meir urbant denne gongen. Landet er 200 år gammalt i år, så me fann ut at sidan Eagles og ørna (Eagle) er nasjonalsymbolet vårt, lagde med eit liten jubileumsbodskap med California som eit mikrokosmos for heile USA, eller heile verda, om du vil, og me prøver å vekkje folk og sei 'Me har gjort det greit så langt, i 200 år, men me forandre oss om me framleis skal vere her.’

»

Mottaking

Albumet har alltid fått god kritikk hos musikkpressa. I meldinga si for AllMusic skreiv William Ruhlmann om albumet at «tidleg i karrieren deira verka Eagles aldri å få til musikk som var stor nok for ambisjonane deira. Etter dei endre produsent og personell auka kreativiteten og Hotel California avdekte det som verka som eit heilt nytt band. Det var eit band som kunne vere bombastisk, men laga òg musikk som sidan kunne få merkelappen «classic rock,» musikk for store arenaer og stadion der bandet spelte.»^[7]

Innhald

Side ein

Nr.	Tittel	Låtskrivar(ar)	solovokal	Lengd
1.	«Hotel California»	Don Felder, Don Henley, Glenn Frey	Don Henley	6:30
2.	«New Kid in Town»	Henley, Frey, J.D. Souther	Glenn Frey	5:03
3.	«Life in the Fast Lane»	Henley, Frey, Joe Walsh	Don Henley	4:46
4.	«Wasted Time»	Henley, Frey	Don Henley	4:55

Side to

Nr.	Tittel	Låtskrivar(ar)	solovokal	Lengd
1.	«Wasted Time (Reprise)»	Henley, Frey, Jim Ed Norman	instrumental	1:22
2.	«Victim of Love»	Felder, Henley, Frey, Souther	Don Henley	4:11
3.	«Pretty Maids All in a Row»	Walsh, Joe Vitale	Joe Walsh	3:58
4.	«Try and Love Again»	Randy Meisner	Randy Meisner	5:10
5.	«The Last Resort»	Henley, Frey	Don Henley	7:28
Total lengd				43:28

Medverkande

Eagles

• Don Felder – gitarar, pedalsteelgitar, vokal
• Glenn Frey – gitarar, piano, clavinet, synthesizer, vokal
• Don Henley – trommer, perkusjon, vokal
• Randy Meisner – bassgitar, gitarrón, vokal
• Joe Walsh – gitarar, slidegitar, elektrisk piano, organ, synthesizer, vokal

Produksjon

• Bill Szymczyk – produsent
• Allan Blazek, Bruce Hensal, Ed Mashal, Bill Szymczyk – lydteknikarar
• Bill Szymczyk – miksing
• Jim Ed Norman – strykearrangement, dirigent
• Sid Sharp – konsertmeister
• Don Henley, John Kosh – kunstnarisk leiing
• John Kosh – design
• David Alexander – fotografi
• Kosh – kunst
• Norman Seeff – plakatdesign
• Ted Jensen – mastering and remastering
• Lee Hulko - original mastering

^[8]

Lister

Liste	Plassering
Australian Kent Music Report[9]	1
Austerrike[10]	9
Canadian RPM Album Chart[11]	1
Nederland[12]	1
Frankrike - SNEP[13]	2
Italia[14]	12
Japan - Oricon[15]	2
New Zealand[16]	1
Noreg - VG-lista[17]	1
Sverige[18]	3
UK Album Chart[19]	2
US Billboard 200[20]	1
Vest-Tyskland - Media Control[21]	3

Årslister

Liste (1976)	Plassering
Australian Album Chart[9]	59
Liste (1977)	Plassering
Australia[9]	4
Austerrike[22]	12
Canadian Album Chart[23]	2
Nederland[24]	1
Frankrike[25]	5
Italia[14]	45
Japan[26]	2
UK Album Chart[27]	9
US Billboard 200[28]	4
Liste (1978)	Plassering
Nederland[29]	76