Back Pages

Back Pages er det 17. studioalbumet til America, gitt ut 26. juli 2011 på eOne. Albumet er det første studioalbumet til bandet med coverversjonar av nokre av favorittlåtskrivarane deira. Albumet har gjesteopptredenar av Mark Knopfler og Van Dyke Parks.^[1]

Back Pages Studioalbum av America
Utgjeve	26. juli 2011
Innspelt	British Grove Studios i London Your Place or Mine i Glendale Tracking Room i Nashville Zoomar South Studios i Nashville
Sjanger	Softrock
Lengd	46:09
Selskap	eOne
Produsent	Fred Mollin
America-kronologi
Hits: 40th Anniversary Edition (2011)	Back Pages	Lost & Found (2015)

Innspeling

Back Pages vart spelt inn i British Grove Studios i London, Your Place or Mine i Glendal i California, og Tracking Room og Zoomar South Studios i Nashville.^[2]

Utgiving

Back Pages vart gitt ut 26. juli 2011 av eOne.^[1] Utgivinga av Back Pages fall tilfeldigvis to dagar etter det plutselege dødsfallet til medgrunnleggjaren av America, Dan Peek.

Musikalsk stil

Den musikalske stilen på Back Pages består av den klassiske America-vokalen og akustiske gitar-lyden, akkompagnert av studiomusikarar frå Nashville, og forsterka av av nokre tidstypiske lydar, som sitar-effekten på «Woodstock» og dei «sterkt overdrivne gitareffektane» på «Time of the Season».^[3]

Plateomslag

Bilete på plateomslaget er teke av Chad Griffith og viser eit brunt skinninnbunde manuskriptalbum med notar liggjande på eit trebord. Omslaget til manuskriptalbumet inneheld tittelorda «Back» og «Pages» skilt av den stiliserte logoen til bandet.

Turnear

I 2011 spelte America 85 konsertar i USA, Canada, Italia, Frankrike, Guatemala, Honduras og Chile.^[4]

Mottaking

Meldingar
Karakter
Kjelde	Karakter
AllMusic	[1]
American Songwriter	[3]

I meldinga si for AllMusic gav Stephen Thomas Erlewine albumet tre av fem stjerner, og noterte «den intime og vennlege» produksjonen på albumet og det nokre gonger overraskande arrangementet, og konkluderte: «Det er behageleg og engasjerande utan å vera sjølvtilfreds. Det er eit besøk hos gamle vener som framleis kan gjera noko uventa etter alle desse åra.»^[1]

I meldinga si for American Songwriter gav Rick Moore albumet tre og ei halv av fem stjerner, og kalla det «ein velgjord CD for babyboomarar og barna deira». Han rosa songutvalet for å inkludera både eldre og moderne standardar, og noterte: «Røystene og rekkjevidda til America ser ikkje ut til å ha forandra seg det minste; om noko, blir desse gutane berre betre, ettersom dei syng med den sjølvtilliten som berre alderen kan gi.»^[3]

Innhald

Nr.	Tittel	Låtskrivar(ar)	Lengd
1.	«America»	Paul Simon	3:40
2.	«A Road Song»	Chris Collingwood, Adam Schlesinger	3:15
3.	«Woodstock»	Joni Mitchell	3:52
4.	«Caroline, No»	Tony Asher, Brian Wilson	3:22
5.	«Someday We'll Know»	Gregg Alexander, Danielle Brisebois, Debra Holland	3:37
6.	«Sailing to Philadelphia» (med Mark Knopfler)	Mark Knopfler	4:57
7.	«Crying in My Sleep»	Jimmy Webb	4:41
8.	«Time of the Season»	Rod Argent	3:39
9.	«Something in the Way She Moves»	James Taylor	4:21
10.	«On the Way Home»	Neil Young	2:37
11.	«Til I Hear It from You»	Marshall Crenshaw, Jesse Valenzuela, Robin Wilson	3:45
12.	«My Back Pages»	Bob Dylan	4:23
Total lengd			46:09

Medverkande

America

• Gerry Beckley – vokal, akustisk gitar
• Dewey Bunnell – vokal, akustisk gitar

med:

• Larry Beaird – banjo, akustisk gitar
• Pat Buchanan – elektrisk gitar
• Mark Knopfler – elektrisk gitar (6)
• Fred Mollin – 12-strengs akustisk gitar, perkusjon, synthesizer, korvokal
• John Willis – akustisk gitar, elektrisk gitar
• Mike Johnson – pedalsteelgitar
• Stuart Duncan – fele, mandolin
• Larry Paxton – bassgitar
• John Jarvis – piano, Wurlitzer elektrisk piano
• Tony Harrell – harmonium, orgel, piano, synthesizer, Wurlitzer
• Van Dyke Parks – trekkspel
• Greg Morrow – trommer, perkusjon
• Jaime Babbitt – vokal
• Jeffrey Foskett – korvokal
• Russell Terrell – korvokal

Produksjon

• Fred Mollin – produsent
• Kyle Lehning – lydteknikar, miksing
• Guy Fletcher – lydteknikar
• Mark Linett – ekstra lydteknikar
• «Teenage» Dave Salley – ekstra lydteknikar
• Greg Calbi – mastering
• Paul Grosso – kunstnarisk leiar
• Andrew Kelley – kunstnarisk leiar, design
• Chad Griffith – fotografi
• Henry Diltz – fotografi
• Dmitri Kasterine – fotografi