Jakob Anderegg

Jakob Anderegg (11. mars 1829–17. september 1878) var ein sveitsisk fjellførar og -klatrar frå Oberwil im Simmental i kantonen Bern. Han døydde i Meiringen i same kantonen. Melchior Anderegg var syskenbarnet hans.

Jakob Anderegg
Statsborgarskap	Sveits
Fødd	11. mars 1829 Oberwil im Simmental
Død	17. september 1878 (49 år) Meiringen
Yrke	fjellfører

Jakob Anderegg står bakarst til venstre

Piz Roseg, der Jakob Anderegg den 28. juni 1865 var ein av dei tre fyrste til topps

Anderegg var med på fleire av dei mest oppsiktsvekkande fyrstebestigingane i Vest-Alpane. Han var aktiv fjellførar både under den såkalla gullalderen for alpe-klatring, tida 1854-65, og i den såkalla sølvalderen for tindesporten i Alpane, år 1866 til ca 1885.

Fyrstebestigingar

• Balmhorn i Bern-Alpane - 21. juli 1864, saman med Frank, Lucy og Horace Walker, samt Melchior Anderegg
• Piz Roseg i Bernina-Alpane - 28. juni 1865, saman med Adolphus Moore og Horace Walker
• Ober Gabelhorn i Wallis-Alpane - 6. juli 1865, saman med Adolphus Moore og Horace Walker
• Pigne d'Arolla i Wallis-Alpane - 9. juli 1865, saman med Adolphus Moore og Horace Walker
• Gspaltenhorn i Bern-Alpane - 10. juli 1869, saman med G. E. Forster og Hans Baumann

Kjelder

• Denne artikkelen bygger på «Jakob Anderegg» frå Wikipedia på engelsk, den 10. oktober 2012.