Songen Let It Be

«Let It Be» er ein song av The Beatles, som først vart gjeven ut på singel, og så på albumet med same namn, Let It Be i 1970.

Let It Be Singel av The Beatles frå albumet Let It Be
B-side	«You Know My Name (Look Up the Number)»
Språk	engelsk
Utgjeve	6. mars 1970
Innspelt	Apple Studio 31. januar 1969 EMI Studios 30. april 1969 4. januar 1970
Sjanger	Rock, pop, gospel[1]
Lengd	3:50 (singel), 4:03 (album)
Selskap	Apple
Komponist	John Lennon, Paul McCartney
Tekstforfattar	John Lennon, Paul McCartney
Låtskrivar(ar)	Lennon–McCartney
Produsent	George Martin (singel), Phil Spector (album)
Britisk The Beatles-kronologi
«Something» / «Come Together» (1969)	Let It Be	«Yesterday» (1976)
Amerikansk The Beatles-kronologi
«Something» / «Come Together» (1969)	Let It Be	«The Long and Winding Road» (1970)

Opphav

Sjølv om teksten på songen ofte vert feiltolka til å vere ein hymne til Jomfru Maria, er han i røynda ei hyllest til Paul McCartney si eiga mor, Mary, som døydde då han var 14 år. Han skreiv songen etter å ha hatt ein draum om ho, slik det kjem fram i første vers:

When I find myself in times of trouble
Mother Mary comes to me
Speaking words of wisdom
Let it be
And in my hour of darkness
She is standing right in front of me
Speaking words of wisdom
Let it be

John Lennon var etter seiande særs kritisk til songen då McCartney spelte han for resten av bandet, sidan han rekna med at «Mother Mary» i teksten berre var ein sjølvrettferdig referanse til kristendom. The Beatles la likevel ekstra arbeid i songen då han vart spelt inn i januar 1969 og sleppt som singel i mars 1970. Det skulle verte den aller siste singelen frå The Beatles som kvartett.

McCartney var inspirert av gospel- og soulstemma til Aretha Franklin då han i desperasjon starta å skrive «Let It Be» i 1968 med tankane på mor si: «Eg er ikkje sikker på om ho nytta orda 'let it be'», fortalte han seinare, «men det var essensen i rådet hennar».^[2] Bodskapen i den spirituell songen var kanskje til sist ei bøn om fred og forsoning med The Beatles, at uansett usemje og trugselen om oppløysing, la det vere (let it be).

«Let It Be» er rekna som The Beatles sin svanesong.

Versjonar

Det er fleire offisielle versjonar av «Let It Be». Singelutgåva vart produsert av George Martin, men i løpet av det same året miksa Phil Spector songen på nytt for albumet med eit anna arrangement og ein ny gitarsolo. McCartney var særs misnøgd med handteringa Spector gav songen, og fekk først songen gjort på nytt i 2003 då albumet Let It Be... Naked kom ut, ikkje berre med «Let It Be» vaska for lydbiletet til Spector, men samtlege songar på albumet. Det er òg ein fjerde versjon av songen på albumet The Beatles Anthology 3.

McCartney spelte piano, eit Blüthner Flügel frå Leipzig, Tyskland, på songen, medan Lennon spelte bass. George Harrison spelte gitarsolo, og Ringo Starr trommer, som vart framheva med ekko av Spector, noko Starr mislikte. På albumet Let it Be... Naked kan ein høyre den originale tromminga hans. I tillegg spelte Billy Preston orgel.

Medverkande

The Beatles

• Paul McCartney – solo- og korvokal, piano, maracas, elektrisk piano, bass (endeleg utgåve)^[3][4]
• John Lennon – 6-strengsbass (tidleg opptak og filmopptak), korvokal
• George Harrison – sologitar, korvokal
• Ringo Starr – trommer

Andre musikarar

• Billy Preston – Hammondorgel
• Linda McCartney – korvokal^[5][4]
• Studiomusikarar - orkester

Salslister og salstrofé

Vekeslister Liste (1970) Plassering Australia (Kent Music Report)[6] 1 Austerrike (Ö3 austerriksk Topp 40)[7] 1 Belgia (Ultratop 50 Flandern)[8] 3 Canada Top Singles (RPM)[9] 1 Tyskland (Media Control AG)[10] 2 Ungarn (Rádiós Top 40)[11] 1 Irland (IRMA)[12] 3 Nederland (Mega Single Top 100)[13] 1 Noreg (VG-lista)[14] 1 Sveits (Schweizer Hitparade)[15] 1 UK Singles (Official Charts Company)[16] 2 US Billboard Hot 100[17] 1 US Adult Contemporary (Billboard)[18] 1 Liste (2010) Plassering Finland (Suomen virallinen lista)[19] 20 Spania (PROMUSICAE)[20] 39 Liste (2013) Plassering Frankrike (SNEP)[21] 96 Liste (2016) Plassering Sverige (Sverigetopplistan)[22] 39 Årslister Liste (1970) Plassering Canada Top Singles (RPM)[23] 3 Nederland (Single Top 100)[24] 25 US Billboard Hot 100[25] 9

Salstrofé Region Salstrofé Salstal Italia (FIMI)[26] Gull 25 000* USA (RIAA)[27] 2× Platina 4 000 000^ ^salstala er basert på sertifiseringa aleine xuspesifserte tal er baserte på sertifiseringa aleine