Live and Let Die av Wings

«Live and Let Die» er kjenningsmelodien til James Bond-filmen Live and Let Die frå 1973, skriven av Paul og Linda McCartney og framført av bandet til Paul McCartney, Wings. Det var ein av dei mest suksessrike singlane til bandet og ein av dei mest sukessrike James Bond-songane fram til då. Songen nådde andreplassen på den amerikanske Billboard Hot 100-lista og niandeplassen på UK Singles Chart.^[2][3]

Live and Let Die Singel av Paul McCartney and Wings frå albumet Live and Let Die
B-side	«I Lie Around»
Språk	engelsk
Utgjeve	1. juni 1973 (Storbritannia) 18. juni 1973 (USA)
Innspelt	Oktober 1972
Sjanger	Symfonisk rock[1]
Lengd	3:12
Selskap	Apple
Komponist	Paul McCartney, Linda McCartney
Tekstforfattar	Paul McCartney, Linda McCartney
Låtskrivar(ar)	Paul McCartney Linda McCartney
Produsent	George Martin
Paul McCartney and Wings-kronologi
«My Love» (1973)	Live and Let Die	«Helen Wheels» (1973)
James Bond-tema-kronologi
«Diamonds Are Forever» (1971)	Live and Let Die	«The Man With the Golden Gun» (1975)

Songen vart tinga og skriven spesifikt for filmen og tilskriven Paul og Linda McCartney, medan den tidlegare Beatles-produsenten George Martin, produserte både songen og arrangerte orkesterpartiet. Songen er blitt spelt av mange andre band sidan, som Guns N' Roses. Både McCartney- og Guns N' Roses-versjonen vart nominerte til Grammy-prisen. I 2012 fekk McCartney Million-Air-prisen frå Broadcast Music, Inc. (BMI), for meir enn fire millionar framføringar av songen i USA.^[4]

Innspeling

Wings spelte inn «Live and Let Die» under innspelinga av albumet Red Rose Speedway,^[1] i oktober 1972.^[5] Songen vart spelt inn i A.I.R. Studios, med Ray Cooper på perkusjon.^[6]

Utgjeving

«Live and Let Die» vart gjeven ut i samband med eit fjernsynsprogram i 1973 om Paul McCartney, som gjekk 16. april 1973 i USA og 10. mai i Storbritannia. Her kan ein sjå McCartney og Wings framføre songen i studio, i lag med klipp av filmen som kom på kino den 27. juni.^[7]

Singelen nådde andreplassen i USA og niandeplassen i Storbritannia.^[8][9] Singelen selde til gullplate i USA for over ein million selde eksemplar.^[10]

Etter 11. september-åtaka hamna songen på lista til Clear Channel over songar som ikkje høvde seg å spele på radio.^[11]

Medverkande

• Paul McCartney – solovokal, piano
• Linda McCartney – korvokal, klaverinstrument
• Henry McCullough – sologitar
• Denny Laine – korvokal, bassgitar
• Denny Seiwell – trommer
• Ray Cooper – perkusjon
• George Martin – orkesterarrangement

Salslister

Vekeslister Liste (1973) Plassering Australia (Kent Music Report) 5 Canada (RPM 100 Top Singles)[12] 2 Tyskland (Media Control)[13] 31 Japan (Oricon)[14] 25 Nederland (Nederlandsk Topp 40)[15] 29 New Zealand (Listener)[16] 20 Noreg (VG-lista)[17] 2 UK (Official Charts Company) 9 US Billboard Hot 100[18] 2 US Billboard Easy Listening[19] 8 US Cash Box Top 100[18] 1 US Record World Singles Chart[18] 1

Årslister Liste (1973) Passering Australia[20] 36 Canada[21] 39 US Cash Box [22] 33 US Billboard Hot 100[23] 56

Guns N' Roses-versjonen

Live and Let Die Singel av Guns N' Roses frå albumet Use Your Illusion I
A-side	«Live and Let Die» (albumversjonen)
B-side	«Live and Let Die» (Live på Wembley Stadium i London den 31. august 1991) «Shadow of Your Love»
Språk	engelsk
Utgjeve	3. desember 1991
Sjanger	Hardrock, heavy metal
Lengd	3:04
Selskap	Geffen
Komponist	Paul McCartney, Linda McCartney
Tekstforfattar	Paul McCartney, Linda McCartney
Låtskrivar(ar)	Paul McCartney Linda McCartney
Produsent	Mike Clink Guns N' Roses
Guns N' Roses-kronologi
«Don't Cry» (1991)	Live and Let Die	«Knockin' on Heaven's Door» (1992)

«Live and Let Die» vart gjeven ut som den andre singelen frå Use Your Illusion I. Det vart laga ein musikkvideo i november 1991 der bandet spelar live på scenen og syner gamle bilete. Videoen vart laga kort tid før Izzy Stradlin slutta, og det er den siste videoen han er med i. Songen nådde 20. plassen på Mainstream Rock-lista.^[24] Songen vart nominert til beste hardrock song under Grammyprisutdelinga i 1993.^[25]

Salslister

Vekeslister

Liste (1991)	Plassering
Australia (ARIA)[26]	10
Austerrike (Ö3 austerriksk Topp 40)[27]	27
Belgia (Ultratop 50 Flandern)[28]	20
Finland (The Official Finnish Charts)[29]	1
Frankrike (SNEP)[30]	39
Tyskland (Media Control AG)[31]	33
Irland (IRMA)[32]	5
Nederland (Mega Single Top 100)[33]	13
New Zealand (RIANZ)[34]	1
Noreg (VG-lista)[35]	3
Sverige (Sverigetopplistan)[36]	15
Sveits (Schweizer Hitparade)[37]	19
UK Singles (Official Charts Company)[38]	4
US Billboard Hot 100[39]	33

Årslister

Liste (1992)	Plassering
New Zealand (Recorded Music NZ)[40]	27

Innhald

1. «Live and Let Die» – 2:59
2. «Live and Let Die» (Live) – 3:37
3. «Shadow of Your Love» (Live) – 2:50

Medverkande

Guns N' Roses

• Axl Rose – solovokal, klaverinstrument, programmering, korvokal
• Slash – sologitar, 6-strengsbass
• Izzy Stradlin – rytmegitar
• Duff McKagan – bass
• Matt Sorum – trommer
• Dizzy Reed – piano

Andre medverkande

• Shannon Hoon – korvokal
• Johann Langlie – programmering
• Jon Thautwein – horn
• Matthew McKagan – horn
• Rachel West – horn
• Robert Clark – horn