Ram It Down

Ram It Down er det ellevte studioalbumet til Judas Priest, gjeve ut i 1988 på Columbia Records. Albumet selde til gullplate i USA den 18. juli 1988. Dette er det siste albumet til Judas Priest med trommeslagaren Dave Holland og det siste av mange som vart produsert av Tom Allom før konsertalbumet A Touch of Evil: Live i 2009.

Ram it Down Studioalbum av Judas Priest
Språk	engelsk
Utgjeve	17. mai 1988
Innspelt	Desember 1987–mars 1988
Studio	Ibiza Sound Studio i Ibiza i Spania, Puk Recording Studios i København i Danmark
Sjanger	Heavy metal[1]
Lengd	58:12
Selskap	Columbia
Produsent	Tom Allom, Glenn Tipton, Rob Halford, K.K. Downing
Judas Priest-kronologi
Priest...Live! (1987)	Ram it Down	Painkiller (1990)
Singlar frå Ram It Down
«Ram It Down/Heavy Metal» Utgjeve: 1988 «Johnny B. Goode/Rock You All Around the World (Live)» Utgjeve: 1988

Meldingar
Karakter
Kjelde	Karakter
AllMusic	[2]
PopMatters	(dårleg)[3]
Martin Popoff	[4]

Bakgrunn

I 1986 hadde Judas Priest planar om å gje ut eit dobbeltalbum kalla Twin Turbos, der halvparten skulle bestå av melodisk og meir kommersiell hardrock, og ein halvdel som var tyngre og mindre synth-driven. Columbia Records sette foten ned for eit dobbelalbum og prosjektet vart delt i to fråskilde utgjevingar, Turbo i 1986 og Ram It Down i 1988. Minst tre songar, «Hard as Iron», «Love You to Death» og «Monsters of Rock», var skrivne for Twin Turbos.

Trommeslagaren Dave Holland fekk helseproblem under innspelinga og bandet valde å bruke trommemaskin på det meste av albumet i staden for å hente inn ein ny trommeslagar.

Bandet spelte ei utgåve av Chuck Berry-songen «Johnny B. Goode», som var meint for filmmusikken til Anthony Michael Hall-komedien Johnny Be Good i 1988. Songen kom med på Ram It Down og vart den første singelen frå albumet. Songen vart òg spelt på dei første konsertane til bandet i 1988, i lag med tittelsporet og tre andre songar frå albumet. Dei einaste songane frå Ram It Down som er spelt på seinare turnear er «I'm a Rocker», under Retribution-turneen og «Blood Red Skies», under Epitaph-turneen.

Sjølv om Judas Priest hadde nok fans til at albumet selde til gullplate i Nord-Amerika,^[5] fekk det heller dårleg kritikk og kritikarane meinte at bandet ikkje klarte å skape nye idear og at songane var dårlegare enn før.

Halford sa at Ram It Down vart øydelagd av at dei tok med «Johnny B. Goode», som han kalla «tåpeleg». Resten av albumet meinte han var «særs tungt».^[6]

Innhald

Side ein

Nr.	Tittel	Lengd
1.	«Ram It Down»	4:48
2.	«Heavy Metal»	5:58
3.	«Love Zone»	3:58
4.	«Come and Get It»	4:07
5.	«Hard as Iron»	4:09

Alle spor skrivne av Glenn Tipton, Rob Halford og K.K. Downing, utanom der anna er nemnt

Side to

Nr.	Tittel	Lengd
6.	«Blood Red Skies»	7:50
7.	«I'm a Rocker»	3:58
8.	«Johnny B. Goode» (Chuck Berry)	4:39
9.	«Love You to Death»	4:36
10.	«Monsters of Rock»	5:30

Bonusspor frå 2001-utgåva

Nr.	Tittel	Lengd
11.	«Night Comes Down» (Live i Long Beach Arena i Long Beach i California, 5. mai 1984)	4:33
12.	«Bloodstone» (Live i Mid-South Coliseum i Memphis i Tennessee, 12. desember 1982)	4:05

Andre innspelingar

Nr.	Tittel	Lengd
1.	«Thunder Road» (Bonusspor på Point of Entry)	5:12
2.	«Fire Burns Below» (Bonusspor på Stained Class)	6:58
3.	«Red, White & Blue» (Bonusspor på British Steel)	3:42
4.	«My Design» (Ikkje utgjeven)

Medverkande

Judas Priest

• Rob Halford – vokal
• K.K. Downing – gitar
• Glenn Tipton – gitar
• Ian Hill – bassgitar
• Dave Holland – trommer

Produksjon

• Produsert av Tom Allom
• «Johnny B. Goode» produsert i lag med Glenn Tipton, Rob Halford og K.K. Downing
• Lydteknikar: Henrik Nilsson
• Assistent: Bill Dooley
• Utstyrsansvarleg Tom Calcaterra
• Plateomslag av Mark Wilkinson

Lister

Lister (1988)	Plassering
Australske album (ARIA)[7]	43
Austerrikske album (Ö3 Austria)[8]	14
Nederlandske album (MegaCharts)[9]	25
Tyske album (Media Control)[10]	9
Norske album (VG-lista)[11]	5
Svenske album (Sverigetopplistan)[12]	5
Sveitsiske album (Schweizer Hitparade)[13]	8
Britiske album (OCC)[14]	24
US Billboard 200[15]	31

Salstrofé

Land	Organisasjon	År	Sal
USA	RIAA	1988	Gull (+ 500 000)[5]
Canada	CRIA	1988	Gull (+ 50 000)[16]