Tali Golergant

Tali Golergant^[a] (fødd 26. november 2000),^[1] kjend mononymt som Tali (stilisert med store bokstavar), er ein israelskfødd luxembourgsk songar, låtskrivar, skodespelar og songlærar. Ho representerte Luxembourg i Eurovision Song Contest 2024 med songen «Fighter».^[2]

Tali Golergant
Fødd	26. november 2000 (24 år)
Fødestad	Jerusalem
Fødenamn	Tali Golergant hebraisk טלי גולרגנט‎
Opphav	Luxembourg
Verka som	songar, skodespelar, dansar

Bakgrunn

Golergant blei fødd den 26. november 2000 i Israel av ein peruansk-jødisk far og ei israelsk mor.^[3] Då hun var seks månader gammal, flytta ho saman med familien til Chile, Argentina og andre land, på grunn av bankjobben til faren, til familien til slutt slo seg ned i Limpertsberg i Luxembourg by, der ho budde i ti år.^[1][4] Ho byrja å spele piano då ho var 7 år gammal, og byrja å syngje, skrive og spele teater då ho var 12 år.^[5] Ho blei utdanna ved International School of Luxembourg, før ho flytta til New York for å studere musikal ved Marymount Manhattan College.^[6][7]

Golergant taler hebraisk, spansk, fransk og engelsk flytande og er i stand til å kommunisere på tysk og forstå luxembourgsk.^[8][9][10]

Tali på scena i Eurovision Song Contest 2024 i Malmö.

Karriere

I 2020 gav Golgerant ut debutsingelen sin «Temporary», og følgde opp med debut-EP-en Lose You i 2021. Saman med sitt eige band opptredde ho på ulike konsertarenaar i New York, deriblant Rockwood Music Hall, Mercury Lounge, Arlene's Grocery og Delancey Street. Ved sida av musikkarrieren har Golergant spelt flere teaterroller, der ho blant anna har spelt Tzeitel i Spelemann på taket, Sue Snell i Carrie og Éponine i Les Misérables; ho har også spelt i indie-kortfilmen Agua.^[7][11][12]

I desember 2023 blei Golergant kunngjord som ein av åtte deltakarar i Luxembourg Song Contest, den luxembourgske uttakinga for Eurovision Song Contest.^[13] Den 9. januar 2024 blei det offentliggjort at ho skulle delta med songen «Fighter».^[14] Ho vann Luxembourg Song Contest og fekk dimed æra til å vere den første representanten for Luxembourg i Eurovision Song Contest sidan 1993.^[12] Golergant deltok i den fyrste semifinalen tysdag 7. mai 2024, der ho kvalifiserte seg til finalen laurdag 11. mai.^[15] I finalen enda ho på 13. plass med 103 poeng.^[16]

Merknadar

1. hebraisk טלי גולרגנט‎