Trondheim kommunes kulturpris

Trondheim kommunes kulturpris blir årleg delt ut av Trondheim kommune ved ordførar og kommunaldirektør for kultur og næring. Utdelinga føregår i januar under Adresseavisens andre^[a] nyttårskonsert med Trondheim Symfoniorkester.

Kjappe fakta Tildelt av, Skipa ...

Trondheim kommunes kulturpris

Tildelt av	Trondheim kommune
Skipa	1977

Det er ope for alle å føreslå kandidatar til prisen.^[1]

Det fyrste året, i 1977, blei prisen tildelt berre ein kunstnar, forfattaren Kristian Kristiansen.^[2] Seinare er statutta endra, slik at det årleg blir delt ut to prisar innanfor det utvida kulturomgrepet. Ein av prisane skal gå til ein person innan det profesjonelle kunst- og kulturområdet, den andre til ein person innanfor fritidskulturlivet.^[3]

Kvar av prismottakarane får ein gåvesjekk og statuetten Go'dagen, utforma av bilethoggaren Tone Thiis Schjetne^[4]. Statuetten er ein miniatyr av skulpturen med same navn, av same kunstnar. Denne skulpturen er utført i bronse og står oppstilt i to norske byar: ved torget i Trondheim og på Sølvberget i Stavanger.^[5]

I 1981 blei det ikkje utdelt noko pris. Arbeider-Avisa offentleggjorde namna på alle kandidatane, og «utpeika» Håkon Bleken og Olaf T. Ranum som prismottakarar før Trondheim kommunes avdelingsstyre for kyrkje, kultur og fritid hadde tatt stilling til saka. Ein journalist frå avisa hadde tatt kontakt med medlemmar av Trondheim kommunes kulturutval som hadde drøfta prisutdelinga, og utifrå denne informasjonen rapportert årets prisvinnarar.^[6]^[7] Avdelingsstyret vedtok då samrøystes at prisen ikkje skulle delast ut. Det blei samstundes samrøystes vedtatt å klage Arbeider-Avisa inn for Pressens Faglige Utvalg, som ei følgje av at dei hadde trykka ei nyheit frå eit dokument som var unnateken offentlegheita.^[8] Det blei mykje avisskriveri om saka, spesielt då det blei føreslått å la prismidlane gå til brøyting og løypepreparering i Bymarka.^[9]^[10] Forslaget blei godt motteke av den «utpeika vinnaren» Håkon Bleken.^[9]

1977 – forfattar Kristian Kristiansen^[2]
1978 – intendant Gottfred Werner og lektor Hans Gaare^[11]
1979 – programsekretær Otto Nielsen og pianist Inger Mikkelsen Røsoch^[12]
1980 – domorganist Ludvig Nielsen^[13] og undervisingsleiar Håkon Odd Christiansen^[14]
1981 – inga utdeling^[8]
1982 – målar Håkon Bleken og disponent Olaf T. Ranum^[15]
1983 – kapellmeister Finn Audun Oftedal og idrettsleder Erling Havstein^[16]
1984 – tidlegare skeiseløpar Hjalmar Andersen og direktør Jan Voigt^[17]
1985 – fiolinist Arve Tellefsen og speiderleiar Jens Tødaas^[18]
1986 – bilethoggar Kristofer Leirdal og idrettsutøvar Ingrid Kristiansen^[19]
1987 – skodespelar Liv Ullmann og tidlegare vaktmeister Alf Olsen^[20]
1988 – skodespelar og dokkemakar Tatjana Zaitzow og dirigent Anton Vist^[21]
1989 – komponist og musikar Per Hjort Albertsen og Arne Espelund^[22]
1990 – kulturarbeidar Reidun Aune og Byåsen Idrettslag^[23]
1991 – målaren Lars Tiller og Hans Tiller^[24]
1992 – kammerorkesteret TrondheimSolistene og fotballspelar Rune Bratseth^[25]
1993 – grafikar og jazzmusikar Ove Stokstad og Nidarosdomens Guttekor^[26]
1994 – Trondheim Symfoniorkester og Riksantikvaren sitt utgravingsarbeid i Trondheim ved Erik Jondell, Axel Christophersen og Sæbjørg Walaker Nordeide^[27]
1995 – forfattar Fredrik Skagen^[28] og damekoret Cantus^[29]
1996 – sopran Randi Stene^[30] og målar Astrid Wallster Holdbakk^[31]
1997 – Jan-Lauritz Opstad og Cirka Teater ved Anne Marit Sæther^[32]
1998 – Trondheim Kammermusikk Festival og handballspelar Trine Haltvik^[33]
1999 – kordirigent Norunn Illevold Giske^[34] og Studentersamfundet i Trondhjem^[35]
2000 – målaren Håkon Gullvåg og Marthe Gjestland^[36]
2001 – forfattar Erlend Loe og Rosenborg Ballklub^[37]
2002 – saxofonist {{ikkjeraud|John Pål Inderberg]] og Teaterlaget i BUL i Nidaros^[38]
2003 – rockeartist Åge Aleksandersen og kulturfestivalen UKA-03 ved Kristian Wright^[39]
2004 – teaterdirektør og regissør Catrine Telle og sagaspelet Håkon og Kark (Korsvikaspelet) ved Svein Georg Mogseth^[40]
2005 – forfattar Anne B. Ragde og Julius Paltiel^[41]
2006 – motedesignar Julie Skarland^[42]^[43] og Bymarkveteranene^[44]
2007 – Per Ottesen og underhaldingsduoen Knutsen & Ludvigsen (Øystein Dolmen og Gustav Lorentzen)^[45]
2008 – musikar og låtskrivar Ulf Risnes og Halvor Greftegreff^[46]
2009 – dansar og koreograf Jo Strømgren og Venche Aarethun^[47]
2010 – Nidarosdomens jentekor ved kunstnarisk leiar Anita Brevik og tidlegare fotballspelar Roar Strand^[48]
2011 – skodespelar Jakob Margido Esp og Kolstad fotballklubb^[49]
2012 – rockebandet Motorpsycho og Bjørn Krokfoss^[50]
2013 – cellist og leiar for TrondheimSolistene Øyvind Gimse og Trondhjems Kunstforening ved Mette Renée Green^[51]
2014 – musikar og dramatikar Rasmus Rohde og Sporveishistorisk Forening^[52]
2015 – Luftforsvarets musikkorps og Pilegrimsfellesskapet St. Olav^[53]
2016 – kunsthandverkar og designar Lise Skjåk Bræk og Skandia Cup^[54]
2017 – historikar og forfattar Per Christiansen og integreringsprosjektet Fargespill^[55]
2018 – jazzmusikar og musikkpedagog Ernst-Wiggo Sandbakk og Den Internasjonale Studentfestialen i Trondheim (ISFiT) ved Tyler Stewart^[56]
2019 – biletkunstnar Kjell Erik Killi Olsen og Byåsen husflidslag^[57]^[58]
2020 – dramaturg og tidlegare teatersjef Per Ananiassen og Jødisk kulturfestival ved Rita Abrahamsen^[59]
2021 – biletkunstnar Anne-Karin Furunes og Sjiraffen kultursenter ved Ragnhild Arntsen^[60]
2022 – musikar Skjalg Raaen og Ila Brass Band^[61]
2023 – kunstnarisk og dagleg leiar for DansiT – koreografisk senter Arnhild Staal Pettersen og AKKS ved Emely Ruth Waet og Hanna Mackessy.^[62]
2024 – skodespelar Øyvind Brandtzæg og, for fritidskulturlivet: Musikkforeningen Nidarholm.^[63]

Trondheim kommunes kulturpris

Prismottakarar

Merknadar

Kjelder

Bakgrunnsstoff

Wikiwand - on