Canton d'Autariba
From Wikipedia, the free encyclopedia
Remove ads
Le canton d'Autariba es una division administrativa de Lengadòc, situada dins l'arrondiment de Murèth, lo departament de Nauta Garona e la region d'Occitània, ancianament de Miègjorn-Pirenèus. En 2015, passèt de 11 a 47 comunas. Son n° èra 3103 (véser Infobox), es ara 3101. Sa superficia passèt de 150,1 km² a 693,37 km². Sa populacion èra de 20 851 abitants en 2012, es de 55 051 abitants en 2022. Autariba, qu'èra caplòc, n'es ara le burèu centralizator. La lenga autoctòna es l'occitan, lengadocian dins sa varianta meridionala e gascon, lo tot de transicion.
Pr'amor d'automatismes, l'Infobox barreja de donadas d'abans 2015 e d'après 2015 (la mapa, les conselhièrs departamentals).
Remove ads
Composicion
Abans 2015
La populacion deu canton èra de 20 851 abitants en 2012.
Dempuèi 2015
Le canton novèl compren 9 de las 11 comunas de l'ancian canton d'Autariba (Venèrca e Lo Vernet son ara dins le canton de Portèth), las 10 comunas del canton de Rius, las 11 comunas del canton de Carbona, las 10 comunas del canton de Montesquiu de Volvèstre, 6 de las 7 comunas del canton de Senta Gabèla (Anhas es dins le canton d'Escalquens) e una de las 15 comunas del canton deu Hosseret, La Hita Bigordana. La superficia del canton es 693,37 km², sa populacion de 55 051 abitants en 2022 e sa densitat es de 79 ab/km².
Comunas de l'ancian canton d'Autariba
Comunas de l'ancian canton de Carbona
Comunas de l'ancian canton de Montesquiu de Volvèstre
Comunas de l'ancian canton de Rius
Comunas de l'ancian canton de Senta Gabèla
Comuna de l'ancian canton deu Hosseret
Remove ads
Istòria
Le canton d'Autariba se creèc en 1790 jos la Revolucion Francesa. L'incorporèron al districte de Murèth. Les districtes fosquèron suprimits en 1795. En 1800-1801, les arrondiments remplacèron les districtes e le canton passèc a l'arrondiment de Murèth. En 1801, quand le nombre dels cantons fosquèc demingat, e en se limitant a las comunas encara presentas, le canton d'Autariba ganhèc las comunas d'Aurivalh, Moressac e Puègdanièl, qu'èran del canton de Sent Somplesi, suprimit. En 1926, suprimiguèron l'arrondiment de Murèth e le canton passèc a l'arrondiment de Tolosa, mès tornèron crear l'arrondiment de Murèth en 1942 [1].
.
A la refòrma cantonala de 2015, le canton fosquèc conservat e passèc de 11 a 47 comunas per las eleccions departamentalas de 2015, en aplicacion del decret del 13 de febrièr de 2014 [2], en seguida de las leis del 17 de mai de 2013 (lei organica 2013-402 e lei 2013-403)[3]. Autariba, l'ancian caplòc venguèc burèu centralizator. Le canton compren 9 comunas de las 11 de l'ancian canton d'Autariba (Venèrca e Lo Vernet son ara dins le canton de Portèth), las 10 comunas del canton de Rius, las 11 comunas del canton de Carbona, las 10 comunas del canton de Montesquiu de Volvèstre, 6 de las 7 comunas del canton de Senta Gabèla (Anhas es dins le canton d'Escalquens) e una de las 15 comunas del canton deu Hosseret, La Hita Bigordana.
Remove ads
Nòtas e referéncias
Wikiwand - on
Seamless Wikipedia browsing. On steroids.
Remove ads