ਸ਼ੇਮ (ਨਾਵਲ)
From Wikipedia, the free encyclopedia
Remove ads
ਸ਼ੇਮ ਨਾਵਲ ਮਿਡਨਾਈਟਸ ਚਿਲਡਰਨ ਤੋਂ ਬਾਅਦ ਅੰਗਰੇਜ਼ੀ ਲੇਖਕ ਸਲਮਾਨ ਰਸ਼ਦੀ ਦਾ ਤੀਜਾ ਨਾਵਲ ਹੈ। 1983 ਵਿੱਚ ਪ੍ਰਕਾਸ਼ਿਤ, ਇਹ ਨਾਵਲ ਉਸਦੀਆਂ ਜ਼ਿਆਦਾਤਰ ਰਚਨਾਵਾਂ ਦੀ ਤਰ੍ਹਾਂ ਜਾਦੂਈ ਯਥਾਰਥਵਾਦ ਦੀ ਸ਼ੈਲੀ ਵਿੱਚ ਲਿਖਿਆ ਗਿਆ ਹੈ। ਇਹ ਜ਼ੁਲਫਿਕਾਰ ਅਲੀ ਭੁੱਟੋ (ਇਸਕੰਦਰ ਹੜੱਪਾ) ਅਤੇ ਜਨਰਲ ਮੁਹੰਮਦ ਜ਼ਿਆ-ਉਲ-ਹੱਕ (ਜਨਰਲ ਰਜ਼ਾ ਹੈਦਰ) ਦੇ ਜੀਵਨ ਅਤੇ ਰਿਸ਼ਤੇ ਨੂੰ ਦਰਸਾਉਂਦਾ ਹੈ। ਨਾਵਲ ਦਾ ਕੇਂਦਰੀ ਵਿਸ਼ਾ ਦੱਸਦਾ ਹੈ ਕਿ ਹਿੰਸਾ ਸ਼ਰਮ ਤੋਂ ਪੈਦਾ ਹੋਈ ਹੈ। ਸਾਰੇ ਪਾਤਰਾਂ ਰਾਹੀਂ ਸ਼ਰਮ ਅਤੇ ਬੇਸ਼ਰਮੀ ਦੇ ਵਿਚਾਰਾਂ ਦੀ ਖੋਜ ਕੀਤੀ ਗਈ ਹੈ, ਸੂਫੀਆ ਜ਼ੀਨੋਬੀਆ ਅਤੇ ਉਮਰ ਖ਼ਯਾਮ ਦੀ ਭੂਮਿਕਾ ਕੇਂਦਰ ਵਿੱਚ ਹੈ। ਇਸ ਦਾ ਹਿੰਦੀ ਅਨੁਵਾਦ ਲਲਿਤ ਕਾਰਤਿਕੇਯ ਨੇ ਸ਼ਰਮ ਨਾਮ ਹੇਠ ਕੀਤਾ ਹੈ।
Remove ads
ਪਾਤਰ
ਸ਼ਕੀਲ ਪਰਿਵਾਰ
- ਉਮਰ ਖ਼ਯਾਮ ਸ਼ਕੀਲ - ਕਹਾਣੀ ਦਾ ਮੁੱਖ ਪਾਤਰ ਜਿਸ ਨੂੰ ਚੁੰਨੀ, ਮੁੰਨੀ ਅਤੇ ਬੰਟੀ ਸ਼ਕੀਲ ਨੇ ਪਾਲਿਆ ਹੈ।
- ਚੁੰਨੀ, ਮੁੰਨੀ ਅਤੇ ਬੰਟੀ ਸ਼ਕੀਲ - ਉਮਰ ਖ਼ਯਾਮ ਦੀਆਂ ਮਾਵਾਂ ਜੋ ਇੱਕੋ ਸਮੇਂ ਗਰਭਵਤੀ ਹੋਣ ਦਾ ਦਿਖਾਵਾ ਕਰਦੀਆਂ ਹਨ।
- ਬਾਬਰ ਸ਼ਕੀਲ - ਚੁੰਨੀ, ਮੁੰਨੀ ਅਤੇ ਬੰਟੀ ਸ਼ਕੀਲ ਦਾ ਦੂਜਾ ਬੱਚਾ।
ਕਥਾਨਕ
ਨਾਵਲ ਦਾ ਪਲਾਟ 'ਕਿਊ' ਸਥਾਨ ਦੇ ਦੁਆਲੇ ਸੈੱਟ ਕੀਤਾ ਗਿਆ ਹੈ ਜੋ ਕਿ ਕਵੇਟਾ, ਪਾਕਿਸਤਾਨ ਦਾ ਇੱਕ ਕਾਲਪਨਿਕ ਰੂਪ ਹੈ। ਕਿਉ ਵਿੱਚ, ਤਿੰਨ ਭੈਣਾਂ (ਚੁੰਨੀ, ਮੁੰਨੀ ਅਤੇ ਬੰਟੀ ਸ਼ਕੀਲ) ਇੱਕੋ ਸਮੇਂ ਉਮਰ ਖ਼ਯਾਮ ਸ਼ਕੀਲ ਨੂੰ ਜਨਮ ਦੇਣ ਦਾ ਦਿਖਾਵਾ ਕਰਦੀਆਂ ਹਨ। ਦਰਅਸਲ, ਤਿੰਨਾਂ ਨੂੰ ਇਹ ਨਹੀਂ ਪਤਾ ਕਿ ਉਮਰ ਦੀ ਅਸਲੀ ਮਾਂ ਕੌਣ ਹੈ ਜਾਂ ਉਸ ਦਾ ਪਿਤਾ ਕੌਣ ਹੈ। ਇਹ ਤਿੰਨੋ ਜਣੀਆਂ ਘਰੇਲੂ ਝਗੜੇ ਦੌਰਾਨ ਗਰਭਵਤੀ ਹੋ ਗਈਆਂ ਸਨ। ਹੌਲੀ-ਹੌਲੀ ਉਮਰ ਵਧਣ ਦੇ ਨਾਲ-ਨਾਲ ਉਸ ਵਿਚ ਸ਼ਰਾਰਤੀਪਣ ਵਧਦਾ ਜਾਂਦਾ ਹੈ ਅਤੇ ਉਹ ਸੰਮੋਹਨ ਦੀ ਕਲਾ ਵੀ ਸਿੱਖ ਲੈਂਦਾ ਹੈ। ਆਪਣੇ ਜਨਮਦਿਨ ਦੇ ਮੌਕੇ 'ਤੇ, ਉਮਰ ਨੂੰ ਆਪਣੀਆਂ ਤਿੰਨ ਮਾਵਾਂ ਤੋਂ 'ਕਿਊ' ਤੋਂ ਬਾਹਰ ਜਾਣ ਦਾ ਮੌਕਾ ਮਿਲਦਾ ਹੈ ਜੋ ਉਸ ਲਈ ਇੱਕ ਤੋਹਫ਼ੇ ਵਾਂਗ ਸੀ। ਉਹ ਇੱਕ ਨੇੜਲੇ ਸਕੂਲ ਵਿੱਚ ਦਾਖਲ ਹੈ ਜਿੱਥੇ ਉਹ ਆਪਣੇ ਅਧਿਆਪਕ (ਐਡੁਆਰਡੋ ਰੌਡਰਿਗਜ਼) ਦੇ ਸੰਪਰਕ ਵਿੱਚ ਆਉਂਦਾ ਹੈ ਅਤੇ ਇੱਕ ਡਾਕਟਰ ਬਣਨ ਲਈ ਪ੍ਰੇਰਿਤ ਹੁੰਦਾ ਹੈ। ਬਾਅਦ ਵਿੱਚ, ਉਮਰ ਇਸਕੰਦਰ ਹੜੱਪਾ ਅਤੇ ਰਜ਼ਾ ਹੈਦਰ ਦੇ ਸੰਪਰਕ ਵਿੱਚ ਆਇਆ, ਜਿਸਦਾ ਉਸਦੇ ਜੀਵਨ ਉੱਤੇ ਮਹੱਤਵਪੂਰਣ ਪ੍ਰਭਾਵ ਪਿਆ।
Remove ads
ਇਨਾਮ
ਹਵਾਲੇ
ਬਾਹਰੀ ਲਿੰਕ
Wikiwand - on
Seamless Wikipedia browsing. On steroids.
Remove ads