Mësimi i thellë

Mësimi i thellë (anglisht: deep learning) është një nëndisciplinë e të mësuarit makinerik e frymëzuar nga shkenca nervore e njeriut për të performuar përmes rrjeteve neurale detyra si klasifikimi, regresioni dhe mësimi përfaqësues. Qëllimi i këtij lloji të mësimit është që ta "ushtrojë" një rrjet të neuroneve artificiale që të përpunojë të dhëna. Mbiemri "i thellë" i referohet shfrytëzimit të shtresave (që numërojnë nga tre deri në disa qindra ose mijëra) në rrjet. Të mësuarit mund të jetë i mbikëqyrur, gjysëm i mbikëqyrur ose i pambikëqyrur.^[1][2][3]