Malaika Gabrieli

Malaika Gabrieli (kwa Kiebrania גַּבְרִיאֵל, Gavri'el, Gaḇrîʼēl, Mungu ni nguvu yangu; kwa Kiarabu جبريل, Jibrīl au جبرائيل Jibrāʾīl) ni malaika aliyetumwa na Mungu kuleta ujumbe wa pekee^[1] katika dini zinazotaka kufuata imani ya Abrahamu.

Picha ya Gabrieli kwa mtindo wa Kiorthodoksi, 1387–1395 hivi (Tretyakov Gallery).

Mchoro wa Bikira Maria kupashwa habari na Gabrieli, kazi ya Anton Raphael Mengs.

Kwa sababu hiyo Wakatoliki, kuanzia Pseudodionisi na Papa Gregori I, wanamheshimu kama malaika mkuu pamoja na malaika Mikaeli na malaika Rafaeli, hasa tarehe 29 Septemba^[2][3].

Wakristo wengine pia wanamheshimu kwa kupasha habari ya kutungwa mimba kwa Yohane Mbatizaji^[4], halafu kwa Yesu^[5] inavyosimuliwa na Injili ya Luka.

Waislamu pia wanamheshimu kwa ajili hiyo na kwa kumletea Mtume Muhammad ufunuo wa Kurani.

Kwa mara ya kwanza jina lake liliandikwa katika kitabu cha Danieli (8:15-26; 9:21-27).

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko