Kizito

Kizito (1872 - Namugongo, Uganda, 3 Juni 1886) ni mmojawapo wa Wafiadini wa Uganda, mdogo kuliko wote. Alichomwa moto kwa ajili ya imani yake kwa Yesu Kristo akiwa na umri wa miaka 14 tu. Kidogo tu kabla hajauawa alibatizwa na katekista Karolo Lwanga ^[1].

Dirisha la kanisa la Namugongo linaloonyesha Mt. Kizito.

Mt. Kizito akibatizwa na Mt. Karolo Lwanga huko Munyonyo – kioo cha rangi katika patakatifu pa wafiadini huko Munyonyo.

Pamoja na wenzake alitangazwa na Papa Benedikto XV kuwa wenye heri tarehe 6 Juni 1920, halafu na Papa Paulo VI kuwa mtakatifu tarehe 18 Oktoba 1964 huko Roma.

Sikukuu yake ni tarehe 3 Juni kila mwaka^[2].

Ni msimamizi wa watoto na wa shule za msingi.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko
• Wafiadini wa Uganda