Ninawi

Ninawi (kwa Kiakadi: Ninwe; kwa Kiashuru: ܢܸܢܘܵܐ; kwa Kiebrania נינוה , Nīnewē; kwa Kigiriki Νινευη, Nineuē; kwa Kiarabu: نينوى, Naīnuwa) ulikuwa mji mkuu wa Waashuru upande wa mashariki wa mto Tigri.

Ramani ya Ninawi ikionyesha ngome ya mji huo wa kale pamoja na malango yake.

Magofu yake yako ng'ambo ya mto huo ukitokea Mosul (Iraki).

Mji huu ulikuwa mkubwa kuliko yote duniani^[1] kwa miaka hamsini hadi mwaka 612 KK uliposhindwa na Wababuloni.^[2]

Katika Biblia ni maarufu hasa kutokana na habari zinazopatikana katika kitabu cha Yona na zilizotumiwa na Yesu kuhimiza toba akisema watu wa Ninawi watasimama kuhukumu watu ambao hawatatubu siku za mwisho^[3] .