Papa Felix IV

Papa Felix IV (490 hivi - 20/22 Septemba 530) alikuwa Papa kuanzia tarehe 12 Julai 526 hadi kifo chake^[1]. Alitokea Campania, Italia^[2]. Baba yake aliitwa Castorius.

Mozaiki ya Mt. Felisi IV.

Alimfuata Papa Yohane I akafuatwa na Papa Bonifasi II.

Alichaguliwa kwa kumridhisha mfalme Theodoriko Mkuu akaweza kupata kwake fadhili mbalimbali kwa Kanisa Katoliki^[3]. Mfalme alipofariki mwaka uleule, Felix aliweza kuendesha Kanisa kwa uhuru zaidi^[4].

Aligeuza mahekalu mawili ya Kipagani ya mjini Roma kuwa basilika la Wat. Kosma na Damiani na alipigania sana imani sahihi^[5].

Tangu kale anaheshimiwa kama mtakatifu.

Sikukuu yake ni tarehe 12 Oktoba^[6].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko
• Orodha ya Mapapa
• Mababu wa Kanisa

Maandishi yake

• Opera Omnia katika Patrologia Latina ya Migne.