Papa Yohane I

Papa Yohane I alikuwa Papa kuanzia tarehe 13 Agosti 523 hadi kifo chake tarehe 18 Mei 526^[1]. Alitokea Toscana, Italia^[2].

Mt. Yohane I.

Alimfuata Papa Hormisdas akafuatwa na Papa Felisi IV.

Alitumwa na mfalme Theodoriko Mkuu kwa Kaisari Yustino I wa Konstantinopoli^[3][4] ili Waario wasiendelee kudhulumiwa. Alikuwa Papa wa kwanza kuadhimisha sadaka ya Pasaka katika mji huo. Ingawa alifaulu walau kiasi katika lengo la mfalme, aliporudi Italia alifungwa naye hadi akafa kwa magumu yaliyompata gerezani ^[5].

Tangu kale ameheshimiwa na Wakatoliki na Waorthodoksi kama mtakatifu mfiadini.

Sikukuu yake ni tarehe 18 Mei^[6].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko
• Orodha ya Mapapa