Visiwa vya Cook

Visiwa vya Cook (kwa Kiingereza: Cook Islands, kwa Kimaori: Kūki 'Āirani) ni nchi huru ya Polynesia katika Pasifiki iliyopo katika hali ya ushirikiano wa hiari na Nyuzilandi. Mji mkuu wa Avarua uko kwenye kisiwa cha Rarotonga.

Visiwa vya Cook
Cook Islands
Kūki 'Āirani

Bendera Nembo
Kaulimbiu ya taifa:
Wimbo wa taifa: Te Atua Mou E Mungu ni Ukweli
Mji mkuu	Avarua 21°12′ S 159°46′ W
Mji mkubwa nchini	Avarua
Lugha rasmi	Kiingereza Kimaori
Serikali Mfalme Mwakilishi wa Mfalme Waziri Mkuu	Ufalme wa kikatiba Charles III wa Uingereza Tom Marsters Mark Brown
Uhuru Kujitawala kwa ushirikano wa hiari na New Zealand	4 Agosti 1965
Eneo  - Jumla  - Maji (%)	240 km² (ya 209) --
Idadi ya watu  - [[]] kadirio  - 2021 sensa  - Msongamano wa watu	(ya 223) 15,040 66/km² (ya 138)
Fedha	Dollar ya New Zealand (pia Dollar ya Cook Islands) (NZD)
Saa za eneo  - Kiangazi (DST)	(UTC-10) (UTC)
Intaneti TLD	.ck
Kodi ya simu	+682 -

Ramani ya Visiwa vya Cook

Eneo lake ni visiwa vidogo 15 vyenye eneo la km² 240.

Historia

Jina limetolewa kwa kumbukumbu ya mpelelezi Mwingereza James Cook aliyefika kwenye kisiwa cha Manuae mwaka 1773 na kuchora visiwa hivi mara ya kwanza kwenye ramani ya dunia.

Visiwa vilikuwa eneo lindwa la Uingereza katika karne ya 19 kufuatana na ombi la malkia wa Cook aliyeogopa uvamizi wa Ufaransa wakati ule.

Chini ya utawala wa Kiingereza viliwekwa chini ya usimamizi wa serikali ya New Zealand, zikabaki hivyo katika hatua mbalimbali za uhuru wa New Zealand.

Mwaka 1965 New Zealand ikawapa watu wa Cook nafasi ya kujiamulia kuhusu uhuru wao. Visiwa viliamua kujitawala katika ushirikiano na New Zealand. Hatua hiyo ilisimamiwa na Umoja wa Mataifa kwa azimio lake No. 1514 (XV).

Sheria huamuliwa na bunge la visiwa vya Cook. Serikali haisimamiwi na New Zealand. Wananchi wote wana uraia wa New Zealand inayoendesha pia shughuli za jeshi na siasa ya nje kwa niaba ya visiwa. Visiwa vya Cook vimebaki na nafasi ya kufanya mapatano na nchi za nje vilevile.

Demografia

Wakazi ni 15,040 (2021), karibu wote wenye asili ya Kimaori (78.2%) na machotara wa Kimaori (7.6%).^[1]

Lugha zinazotumika ni hasa Kiingereza (86.4%) na Kimaori (76.2%).

Upande wa dini, wengi ni Wakristo, hasa Waprotestanti (68.2%) na Wakatoliki (17%).

Uchumi

Utalii ni biashara kuu visiwani.

Picha

• 
  Mwambao wa Rarotonga
• 
  Kisiwani Aitutaki

Tazama pia

• Orodha ya nchi kufuatana na wakazi