From Wikipedia, the free encyclopedia
சீசர் பெர்னார்டோ அரேவலோ (César Bernardo Arévalo de León) ( [ beɾˈnaɾ.ðo) aˈɾe.βa.lo ] ; பிறப்பு 7 அக்டோபர் 1958) [1] குவாத்தமாலாவின் 52-ஆவது அதிபராகப் பணியாற்றும் ஒரு குவாத்தமாலா அரச தந்திரி, சமூகவியலாளர், எழுத்தாளர் மற்றும் அரசியல்வாதி ஆவார். செமில்லா கட்சியின் உறுப்பினர் மற்றும் இணை நிறுவநரும் ஆவார். அவர் முன்பு 2020 முதல் 2024 வரை குவாத்தமாலா காங்கிரசில் துணைவராகவும், 1995 முதல் 1996 வரை இசுபெயினுக்கான தூதராகவும், 1994 முதல் 1995 வரை வெளியுறவுத்துறை துணை அமைச்சராகவும் பணியாற்றினார்.
அரேவலோ முன்னாள் அதிபர் ஜுவான் ஜோஸ் அரேவலோவின் மகன் ஆவார். அரேவலோ 20 ஆகஸ்ட் 2023 அன்று 2023 அதிபர் தேர்தலின் இரண்டாவது சுற்றில் முன்னாள் முதல் பெண்மணி சாண்ட்ரா டோரசைத் தோற்கடித்தார் [2] இவரது தேர்தல் வெற்றி இவரை குடியரசுத்தலைவராகத் தேர்ந்தெடுக்கப்பட்ட முதல் முன்னாள் குவாத்தமாலா குடியரசுத்தலைவரின் மகனாகவும், குவாத்தமாலா பிரதேசத்தில் பிறக்காத இரண்டாவது குடியரசுத் தலைவராகவும், 21 ஆம் நூற்றாண்டில் குவாத்தமாலாவின் இரண்டாவது அதிக வாக்குகள் பெற்ற வேட்பாளராகவும் ஆக்கியது. இவர் முன்னாள் குடியரசுத் தலைவர் ஜிம்மி மோரேல்ஸை மட்டுமே மிஞ்சினார் ( 2016–2020).[3][4]
1945 மற்றும் 1951 க்கு இடையில் குவாத்தமாலாவின் முன்னாள் அதிபரான ஜுவான் ஜோஸ் அரேவலோ மற்றும் அவரது இரண்டாவது மனைவி மார்கரிட்டா டி லியோன் ஆகியோரின் மகனாக 1958 ஆம் ஆண்டு அக்டோபர் 7 ஆம் நாள் உருகுவேயின் மொண்டேவீடியோவில் பிறந்தார். அரேவலோ பிறந்த நேரத்தில், அவரது தந்தை 1954 குவாத்தமாலா ஆட்சிக் கவிழ்ப்பைத் தொடர்ந்து தென் அமெரிக்காவில் அரசியல் நாடுகடத்தலில் வாழ்ந்து வந்தார்.
அரேவலோவின் குடும்பம் இவரை இரண்டு வயதுக்கும் குறைவான வயதில் உருகுவேயில் விட்டுச் சென்றது, மேலும் இவர் தனது குழந்தைப் பருவத்தின் சில பகுதிகளை வெனிசுலா, மெக்சிகோ மற்றும் சிலி ஆகிய நாடுகளில் கழித்தார். குவாத்தமாலா நகரில் உள்ள ஒரு தனியார் கத்தோலிக்கப் பள்ளியான லிசியோ குவாத்தமாலாவில் படிப்பதற்காக 15 வயதில் முதல் முறையாக குவாத்தமாலா சென்றார்.[5]
இவரது தந்தை இஸ்ரேலுக்கான குவாத்தமாலாவின் தூதராக பணியாற்றியபோது, அரேவலோ இஸ்ரேலில் உள்ள எருசலேம் எபிரேயப் பல்கலைக்கழகத்தில் சமூகவியலில் இளங்கலைப் பட்டம் பெற்றார். எபிரேய பல்கலைக்கழகத்தில், இவர் இலத்தீன் அமெரிக்காவில் கிறித்தவத்தின் வரலாற்றைப் படித்தார்.[6] பின்னர் நெதர்லாந்தில் உள்ள உட்ரெக்ட் பல்கலைக்கழகத்தில் தத்துவம் மற்றும் சமூக மானுடவியலில் முனைவர் பட்டம் பெற்றார்.[7]
அரேவலே்ா மூன்று முறை திருமணம் செய்து கொண்டார். 1983 இல், அவர் அர்ஜென்டினாவைச் சேர்ந்த தெரசா லாபின் கன்மனை மணந்தார்; இவர்கள் 1992 ஆம் ஆண்டில் விவாகரத்து செய்தனர். அடுத்த ஆண்டு, அரேவலோ எவா ரிவரா ஃபிகரோவ் என்ற ஒரு சக இராஜதந்திரியை மணந்தார், இவர்களுக்கு இரண்டு மகள்கள் இருந்தனர். 2011 முதல், அரேவாலோ லுக்ரேசியா பெய்னாடோவை மணந்தார்.[8] இவர்களுக்கு மூன்று மகள்கள் மற்றும் மூன்று வளர்ப்பு குழந்தைகள் உள்ளனர்.[9]
தாய்மொழியான ஸ்பானிஷ் மொழிக்கு கூடுதலாக, அரேவலோ ஆங்கிலம், எபிரேய, பிரஞ்சு மற்றும் போர்த்துகீசியம் பேசுகிறார்.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.