காரைக்குடி
தமிழகத்தின் சிவகங்கை மாவட்டத்தில் அமைந்துள்ள சிறப்பு நிலை நகராட்சி From Wikipedia, the free encyclopedia
Remove ads
காரைக்குடி (ஆங்கிலம்: Karaikudi) இந்தியாவின் தமிழ்நாடு மாநிலத்தில் அமைந்துள்ள சிவகங்கை மாவட்டத்தில் அதிக மக்கள் தொகை கொண்ட பெரிய மாநகரம் மற்றும் காரைக்குடி மாநகராட்சி ஆகும்.
இது சிவகங்கை மாவட்டத்தின் முதல் மாநகராட்சி ஆகும் .[4] இம்மாநகரம், "செட்டிநாடு" என்றும் "கல்வி நகரம்" என்றும் அழைக்கப்படுகிறது. சுண்ணாம்புக் கற்களால் கட்டப்பட்டு, காரை வீடுகள் என்று அழைக்கப்படும் சிறப்பு வாய்ந்த வீடுகளின் அடிப்படையில், காரைக்குடி மாநகராட்சி தமிழ்நாடு அரசால் பாரம்பரியமிக்க நகரென அறிவிக்கப்பட்டுள்ளது. இரண்டு சிறந்த கல்வி நிறுவனங்களான அழகப்பா பல்கலைக்கழகம் மற்றும் மத்திய மின் வேதியியல் ஆராய்ச்சி நிலையம் (CECRI) இங்கு அமையப்பெற்றுள்ளது என்பது குறிப்பிடத்தக்கது. காரைக்குடி கண்டாங்கிச் சேலைக்குப் புவிசார் குறியீடு தரப்பட்டு உள்ளது.
காரைக்குடி சட்டமன்றத் தொகுதிக்கும், சிவகங்கை மக்களவைத் தொகுதிக்கும், காரைக்குடி உட்பட்டுள்ளது. இம்மாநகரானது 96.05 சதுர கிலோமீட்டர் பரப்பை உள்ளடக்கிய காரைக்குடி மாநகராட்சியினால் நிர்வகிக்கப்படுகின்றது. 2022-ஆம் ஆண்டைப் பொறுத்தவரை காரைக்குடியின் மக்கள் தொகை 2,34,523 ஆகும். போக்குவரத்தைப் பொறுத்தமட்டில் சாலை வழிப் போக்குவரத்தே முக்கியமாக பயன்படுத்தப்படுகின்றது என்றபோதிலும், காரைக்குடி சந்திப்பு, தேவகோட்டைச் சாலை ரயில் நிலையம், கோட்டையூர் ரயில் நிலையம், கண்டனூர் இரயில் நிலையம் ஆகியவை, காரைக்குடி நகர் மற்றும் அதன் சுற்றுப்புற மக்களின் போக்குவரத்து தேவைக்கு இன்றியமையாததாக விளங்குகின்றன. மேலும், காரைக்குடி நகரிலிருந்து 97.2 கிலோமீட்டர் தொலைவில், மதுரை விமான நிலையமும் மற்றும் 83.6 கிலோமீட்டர் தொலைவில், திருச்சிராப்பள்ளி விமானநிலையமும் அமைந்துள்ளன. காரைக்குடி மாநகரம் முந்தைய மதுரை மாவட்டத்தில் ஒரு பகுதியாக இருந்தது.
Remove ads
புவியியல்
இவ்வூரின் அமைவிடம் 10.07°N 78.78°E ஆகும்.[5] கடல் மட்டத்தில் இருந்து இவ்வூர் சராசரியாக 82 மீட்டர் (269 அடி) உயரத்தில் இருக்கின்றது.
மக்கள் வகைப்பாடு
மாவட்ட நிர்வாகத்தின் அறிவிப்பில் காரைக்குடியில் 2022 நடத்தப்பட்ட கணக்கெடுப்பின்படி மக்கள் தொகை 234523 உள்ளது.[6] இந்திய மக்கள் தொகை 2011 கணக்கெடுப்பின்படி 106,793 மக்கள் இங்கு வசிக்கின்றார்கள்.[7] இவர்களில் 53,425 ஆண்கள், 53,368 பெண்கள் ஆவார்கள். காரைக்குடி மக்களின் சராசரி கல்வியறிவு 79% ஆகும், இதில் ஆண்களின் கல்வியறிவு 83%, பெண்களின் கல்வியறிவு 74% ஆகும். இது இந்திய தேசிய சராசரி கல்வியறிவான 59.5% விட கூடியதே. காரைக்குடி மக்கள் தொகையில் 9,940 ஆறு வயதுக்குட்பட்டோர் ஆவார்கள்.
Remove ads
நகராட்சி நிர்வாகம் மற்றும் அரசியல்
காரைக்குடி நகராட்சி நிர்வாகம் 1928ஆம் ஆண்டு அமைக்கப்பட்டு, 1988ஆம் ஆண்டு தேர்வு நிலைக்கு உயர்த்தப்பட்டது, 2013 ஆண்டில் சிறப்பு நிலை நகராட்சியாக தரம் உயர்த்தப்பட்டது. காரைக்குடி நகராட்சியில் 36 வார்டுகள் உள்ளன. ஒவ்வொரு வார்டிற்கும், தனித்தனியே ஒரு கவுன்சிலர் தேர்ந்தெடுக்கப்பட்டுள்ளார். நகராட்சிப் பணிகள் ஆறு துறைகளாக பிரிக்கப்பட்டுளன: அவை, பொது நிர்வாகம்,பொறியியல், வருவாய், சுகாதாரம், திட்டமிடுதல் மற்றும் தகவல் தொழில்நுட்பம். ஆறு துறைகளும், நகராட்சி ஆணையரால் நிர்வகிக்கப்படுகின்றன. இவரே நிர்வாகத் தலைவர் ஆவார். சட்டமன்ற அதிகாரங்கள் 36 உறுப்பினர்களுடன் நிலைப்படுத்தப்பட்டுள்ளது. ஒவ்வொரு உறுப்பினரும் தனித்தனியே ஒவ்வொரு வார்டுகளைச் சார்ந்தவர்கள். தேர்ந்தெடுக்கப்பட்ட ஒரு தலைவர், மற்றும் துணைத்தலைவர் தலைமையில் சட்டமன்ற அவை ஸ்திரப்படுத்தப்பட்டுள்ளது.
காரைக்குடி தேர்தல் தொகுதியின் ஒரு பகுதியாக காரைக்குடி திகழ்ந்து, ஐந்தாண்டுக்கு ஒருமுறை தமிழக சட்டசபைக்கு ஒரு உறுப்பினரை தேர்ந்தெடுக்கின்றது. நான்கு முறை அதிமுகவும் (1977, 1984, 1991 மற்றும் 2009 தேர்தல்கள்), இரண்டு முறை திமுகவும் (1980, 1989), ஒரு முறை தமிழ் மாநில காங்கிரசும் (1996), மற்றொரு முறை இந்திய தேசிய காங்கிரசும்(2006) இத்தொகுதி தேர்தல்களில் வெற்றி பெற்றுள்ளன. இத்தொகுதியின் தற்போதைய சட்டசபை உறுப்பினர் இந்திய தேசிய காங்கிரஸை சார்ந்த கே. ஆர். ராமசாமி ஆவார்.
திருமயம், திருப்பத்தூர், காரைக்குடிமாநகராட்சி, ஆலங்குடி, மானாமதுரை மற்றும் சிவகங்கையை உள்ளடக்கிய சிவகங்கை நாடாளுமன்ற தொகுதியின் பகுதியாக காரைக்குடி திகழ்கிறது. இத்தொகுதியின் தற்போதைய நாடாளுமன்ற உறுப்பினர், அதிமுகவின் செந்தில்நாதன் ஆவார். 1967ஆம் வருடத்திலிருந்து, இத்தொகுதியின் நாடாளுமன்ற தேர்தல்களில் 8 முறை இந்திய தேசிய காங்கிரஸும் (1980, 1984, 1989, 1991, 1999, 2004 மற்றும் 2009 தேர்தல்கள்), இரு முறை அதிமுகவும் (1977 மற்றும் 2014 தேர்தல்கள்), இரு முறை தமிழ் மாநில காங்கிரஸும் (1996 மற்றும் 1998 தேர்தல்கள்), இரு முறை திமுகவும் (1967 மற்றும் 1971 தேர்தல்கள்) வெற்றி பெற்றுள்ளன.
காரைக்குடி மாநகரின் சட்டம் ஒழுங்கு, தமிழ்நாடு காவல்துறையின் துணைக் கண்காணிப்பாளர் தலைமையிலான சிவகங்கை உட்பிரிவினால் பராமரிக்கப்படுகின்றது. மாநகரில் ஒரு அனைத்து மகளிர் காவல் நிலையத்துடன், மொத்தம் மூன்று காவல் நிலையங்கள் உள்ளன. சிறப்புப் பிரிவுகளான மதுவிலக்கு அமலாக்கப்பிரிவு, மாவட்ட குற்றப்பிரிவு, சமூக நிதி மற்றும் மனித உரிமை, மாவட்ட குற்ற பதிவு மற்றும் சிறப்புப் பிரிவு ஆகியவை உள்ளன. இவை கண்காணிப்பாளர் தலைமையில் இயங்கி மாவட்ட அளவிலான காவல்துறை பிரிவுகளில் இயங்குகின்றன.
Remove ads
காரைக்குடி - அதனைச் சுற்றியுள்ள முக்கியத் திருத்தலங்கள்
- கொப்புடை நாயகி அம்மன் கோயில்.
- மீனாட்சி சுந்தரேஸ்வரர் கோவில்
- முத்துமாரி அம்மன் கோயில்.
- கற்பகவிநாயகர் கோயில்
- மீனாட்சி அம்மன் கோயில்
- 108 பிள்ளையார் கோயில்
- கொல்லன் காளியம்மன் கோயில்
- நாட்டார் கருப்பர் கோயில்
- முனீஸ்வரன் கோயில்
- சஹாயமாதா தேவாலயம்
- காட்டுத்தலைவாசல் மசூதி
- சென்ஜாய் மசூதி
- தமிழ் தாய் கோயில்
- கற்பக விநாயகர் கோவில், பிள்ளையார்பட்டி
- சுந்தரேஸ்வரர் கோயில், அமராவதிபுதூர்
- "தென்திருப்பதி" திருவேங்கடம் உடையான் கோவில், அரியக்குடி
- "வெட்டுடையார்" காளியம்மன் கோவில், அரியாங்குறிச்சி (கொல்லங்குடி)
- ருத்ர கோடீஸ்வரர் கோவில், சதுர்வேதிமங்கலம்
- சொக்கநாதபுரம் கோவில், சொக்கநாதபுரம்
- அருள்மொழிநாதர் கோவில், சோழபுரம்
- மீனாட்சி சுந்தரேஸ்வரர் (சேக்கிழார்) கோவில், தேவகோட்டை
- ரங்கநாதப் பெருமாள் கோவில், தேவகோட்டை
- கோட்டையம்மன் கோவில், தேவகோட்டை
- அந்தணர்நாட்டி அம்மன் கோவில், தேவப்பட்டு
- அய்யனார் கோயில், எலங்குடி
- மலை மருந்தீஸ்வரர் கோவில், எரியூர்
- ஆழி கண்டீஸ்வரர் கோவில், இடைக்காட்டூர்
- இடைக்காட்டூர் சித்தர் ஆலயம், இடைக்காட்டூர்
- சேக்ரட் ஹார்ட் சர்ச், இடைக்காட்டூர்
- ராஜேந்திர சோழீஸ்வரர் கோவில், இளையான்குடி
- கைலாசநாதர் நித்யகல்யாணி கோவில், இளையத்தான்குடி
- ஆதிஸ்தானம் கோவில், இளையத்தான்குடி
- தான்தோன்றீஸ்வரர் கோவில், இலுப்பைக்குடி
- மும்முடிநாதர் கோவில், இறையஞ்சேரி
- ஆட்கொண்டநாதர் கோவில், இரணியூர்
- காளையார்கோவில் கோவில், காளையார்கோவில்
- சோமசுந்தரேஸ்வரர் சௌந்தர நாயகி கோவில், கல்லல்
- காரைமேல் அழகர் அய்யனார் கோவில், கானாடுகாத்தான்
- மீனாட்சி சுந்தரேஸ்வரர் கோவில், கானாடுகாத்தான்
- ஸ்வர்ண மூர்த்தீஸ்வரர் கோவில், கண்டதேவி
- கொப்புடை நாயகி அம்மன் கோவில், காரைக்குடி
- மீனாட்சி சுந்தரேஸ்வரர் கோவில், காரைக்குடி
- "சின்ன" முத்துமாரி அம்மன் கோவில், காரைக்குடி
- பிரம்மபுரீஸ்வரர் (மீனாட்சி சுந்தரேஸ்வரர்) கோவில், கீழ பூங்குடி
- கோட்டைநாச்சி அம்மன் கோவில், கோட்டையூர்
- சுப்பிரமணியர் கோயில், கோவனூர்
- கொற்றவளீஸ்வரர் கோவில், கோவிலூர்
- சண்முகநாதர் கோவில், குன்றக்குடி
- பத்ரகாளி அம்மன் கோவில், மடபுரம்
- சந்திவீரன் கோவில், மல்லகோட்டை
- ஸ்ரீ கடுகவலர் சுவாமி கோவில், மாம்பட்டி
- கரந்தமலை ஐயனார் கோவில், மாம்பட்டி
- சோழ விநாயகர் மற்றும் சோழீஸ்வரர் கோவில், மாம்பட்டி
- நவக்கிரக கோயில், மானகிரி
- வீர அழகர் பெருமாள் கோவில், மானாமதுரை
- சோமேஸ்வரர் கோயில், மானாமதுரை
- தி ஹோலி பாஞ்ச் பீர் (அஞ்சனமர்) ஐந்து ஷுஹதாஸ் தர்கா, மானாமதுரை
- திருச்சுழியல் கோவில், மானாமதுரை
- ஐனூற்றீஸ்வரர் பெரியநாயகி கோவில், மாத்தூர்
- கைலாசநாதர் கோயில், மேலூர்
- நாச்சியார் அம்மன் கோவில், நாச்சியாபுரம்
- சிவன் கோயில், நடராஜபுரம்
- கண்ணுடைய நாயகி அம்மன் (கன்னத்தாள்) கோவில், நாட்டரசன்கோட்டை
- ஜெயம் கொண்டேஸ்வரர் கோவில், நேமம்
- புல்வநாயகி அம்மன் கோவில், பாகனேரி
- பிள்ளைவயல் காளியம்மன் கோவில், பையூர் (பிள்ளைவாயல்)
- ஸ்ரீ மகா பஞ்சமுக பிரத்யங்கிரா தேவி கோவில், பஞ்சபூதேஸ்வரம் (மானாமதுரை)
- "அஷ்டம சித்தி" தட்சிணாமூர்த்தி கோவில், பட்டமங்கலம்
- ஸ்ரீ சுகந்தவனேஸ்வரர் கோவில், பெரிச்சிகோயில்
- குபேரர் கோவில், பிள்ளையார்பட்டி
- ஸ்ரீ கைலாச நாதர் கோவில், பிரமானூர்
- பிரன்மலை கொடுங்குன்றீஸ்வர் கோயில், பிரன்மலை
- கைலாச விநாயகர் கோவில், புதுவயல்
- வீரசேகரர் (திருமுடி தாழும்பர்) கோவில், சாக்கோட்டை
- சேவுக பெருமாள் ஐயனார் கோவில், சிங்கம்புணரி
- அழகிய பொன்னாள் கோவில், சிறுகை
- பொன்னழகியம்மன் கோவில், ஓ.சிறுவயல்
- சசிவர்ணேஸ்வரர் கோவில், சிவகங்கை
- சாம்புலிங்கேஸ்வரர் கோவில், சிவபுரிப்பட்டி
- தேசிகநாதர் ஆவுடையநாயகி கோவில், சூரைக்குடி
- பரஞ்சோதி ஈஸ்வரர் கோவில், தஞ்சாக்கூர்
- முத்துமாரியம்மன் கோவில், தாயமங்கலம்
- பூமாயி அம்மன் கோவில், தென்மாப்பட்டு
- சௌமிய நாராயணன் கோவில், திருக்கோஷ்டியூர்
- மலை கொழுந்தீஸ்வரர் கோவில், திருமலை
- சத்தியகிரி நாதா (சத்தியமூர்த்தி) பெருமாள் கோவில், திருமயம்
- சத்தியகிரீஸ்வரர் கோவில், திருமயம்
- பைரவர் கோயில், திருமயம்
- திருத்தளிநாதர் கோவில், திருப்பத்தூர்
- நின்ற நாராயண பெருமாள் கோவில், திருப்பத்தூர்
- பைரவர் கோயில், திருப்பத்தூர்
- புஷ்பவனேஸ்வரர் கோவில், திருப்புவனம்
- நெரிஞ்சிக்குடி அய்யனார் கோவில், திருவிலங்கை
- வன்மீகநாதர் கோவில், திருவெற்றியூர்
- வைரவன்சுவாமி (வளரொளி நாதர்) கோவில், வைரவன்பட்டி
- வயனாச்சி பெரியநாயகி கோவில், வேலங்குடி
- கைலாசநாதர் கோவில், வேம்பத்தூர்
- சுந்தரராஜப் பெருமாள் கோவில், வேம்பத்தூர்
- அங்காளபரமேஸ்வரி அம்மன் கோவில், வெற்றியூர்
- அன்னபூரணி அம்மன் கோவில், வெற்றியூர்[8]
Remove ads
புகழ்பெற்றவர்கள்
- வீறுகவியரசர் முடியரசன்
- அவிச்சி மெய்யப்பச் செட்டியார்
- ராம. அழகப்பச் செட்டியார்
- கண்ணதாசன்
- வயி.சண்முகம்
- சா. கணேசன்
மேற்கோள்கள்
வெளி இணைப்புகள்
Wikiwand - on
Seamless Wikipedia browsing. On steroids.
Remove ads