கூடுவாஞ்சேரி தொடருந்து நிலையம்

கூடுவாஞ்சேரி தொடருந்து நிலையம் (Guduvancheri railway station, நிலையக் குறியீடு:GI) இந்தியாவின், தமிழ்நாடு மாநிலத்திலுள்ள, சென்னை புறநகரில் அமைந்துள்ள ஒரு தொடருந்து நிலையமாகும். இந்த நிலையம் சென்னையின் புறநகர் இருப்பு பாதை, தெற்கு வழித்தடத்தில் அமைந்துள்ளது. இந்த நிலையம் சென்னைக் கடற்கரை–செங்கல்பட்டு வழித்தடத்தில் அமைந்துள்ளது. இது செங்கல்பட்டு மாவட்டத்தைச் சேர்ந்த தொடருந்து நிலையம் ஆகும்.

கூடுவாஞ்சேரி
சென்னை புறநகர் தொடருந்து நிலையம் மற்றும் தென்னக இரயில்வே நிலையம்
பொது தகவல்கள்
அமைவிடம்	தேசிய நெடுஞ்சாலை - 45, கூடுவாஞ்சேரி, செங்கல்பட்டு மாவட்டம், தமிழ்நாடு, இந்தியா
ஆள்கூறுகள்	12°50′42″N 80°3′25″E
உரிமம்	இந்திய இரயில்வே அமைச்சகம், இந்திய இரயில்வே
தடங்கள்	தெற்கு மற்றும் தென் மேற்கு புறநகர் வழித்தடங்கள்
கட்டமைப்பு
கட்டமைப்பு வகை	தரையில் உள்ள நிலையம்
தரிப்பிடம்	உண்டு
மற்ற தகவல்கள்
நிலையக் குறியீடு	GI
பயணக்கட்டண வலயம்	தென்னக இரயில்வே
வரலாறு
மின்சாரமயம்	9 சனவரி 1965[1]
முந்தைய பெயர்கள்	தென்னிந்திய இரயில்வே
அமைவிடம் கூடுவாஞ்சேரி சென்னை வரைபடத்தில் உள்ள இடம் Show map of சென்னை கூடுவாஞ்சேரி தமிழக வரைபடத்தில் உள்ள இடம் Show map of தமிழ்நாடு கூடுவாஞ்சேரி இந்திய வரைபடத்தில் உள்ள இடம் Show map of இந்தியா

இது சென்னையின் புறநகர்ப் பகுதியான கூடுவாஞ்சேரி மற்றும் அதன் சுற்றுவட்டாரத்திற்கு சேவை செய்கிறது. இது சென்னைக் கடற்கரை சந்திப்பிலிருந்து 40 கி.மீ (25 மைல்) தொலைவில் அமைந்துள்ளது மற்றும் கூடுவாஞ்சேரியில் தேசிய நெடுஞ்சாலை - 45 இல் அமைந்துள்ளது. இது கடல் மட்டத்திலிருந்து 36மீ (118 அடி) உயரத்தில் உள்ளது.

வரலாறு

தாம்பரம்–செங்கல்பட்டு வழித்தடம் மின்மயமாக்கலுடன், சனவரி 9, 1965 அன்று இந்நிலையத்தில் உள்ள வழித்தடங்களும் மின்மயமாக்கப்பட்டன.^[1]

திட்டங்கள் மற்றும் மேம்பாடு

இந்திய இரயில்வேயின் அமிர்த பாரத் நிலையத் திட்டத்தின் கீழ் மேம்படுத்தப்படுவதற்கு தமிழ்நாட்டிலுள்ள 532 தொடருந்து நிலையங்களில் தேர்ந்தெடுக்கப்பட்ட 77 நிலையங்களில் இதுவும் ஒன்றாகும். அம்ரித் பாரத் திட்டத்தின் கீழ் தமிழ்நாட்டிற்கென 4100கோடி நிதி ஒதுக்கீடு செய்யப்பட்டுள்ளது. மத்திய அரசின் உள்கட்டமைப்புக்கான பிரதமர் கதி சக்தி அமைப்பின் கீழ் இத்திட்டம் செயற்படுத்தப்படுகிறது. ^[2][3][4][5]

அமிர்த பாரத் திட்டத்தின் கீழ் சென்னை தொடருந்து கோட்டத்தில் 17 நிலையங்கள் தேர்ந்தெடுக்கப்பட்டன, கூடுவாஞ்சேரி தொடருந்து நிலையத்தை புதுப்பிக்கும் பணிக்கு 21 கோடி ரூபாய் ஒதுக்கப்பட்டுள்ளது.^[6][7][8][9]

சென்னையில் உள்ள முக்கிய தொடருந்து நிலையங்கள்

• சென்னை எழும்பூர் தொடருந்து நிலையம்
• சென்னை மத்திய தொடர்வண்டி நிலையம்
• தாம்பரம் தொடருந்து நிலையம்