கே. என். நேரு

கே. என். நேரு (K. N. Nehru, பிறப்பு: நவம்பர் 9, 1952) ஒரு தமிழக அரசியல்வாதியும், தமிழக அரசின் நகர்ப்புற வளர்ச்சித்துறை அமைச்சராகப் பதவியில் உள்ளவரும் ஆவார். திருச்சி மேற்கு தொகுதியின் சட்டமன்ற உறுப்பினரான இவர், திமுகவின் தலைமைக் கழக முதன்மை செயலாளராக உள்ளார்.^[1]

கே.என். நேரு
2023-ஆம் ஆண்டு, ஒரு பொது மேடையில், கே.என். நேரு பேசும் காட்சி
நகர்ப்புற வளர்ச்சித் துறை அமைச்சர் தமிழ்நாடு அரசு
பதவியில் உள்ளார்
பதவியில் 7 மே 2021
முன்னையவர்	எஸ். பி. வேலுமணி
தமிழ்நாடு சட்டமன்ற உறுப்பினர்
பதவியில் உள்ளார்
பதவியில் 2016
தொகுதி	திருச்சி மேற்கு
போக்குவரத்துத் துறை அமைச்சர், தமிழ்நாடு
பதவியில் 13 மே 2006 –  15 மே 2011
விவசாயத் துறை அமைச்சர், தமிழ்நாடு
பதவியில் 1 திசம்பர் 2008 –  3 மார்ச் 2009
உணவுத் துறை மற்றும் கூட்டுறவுத் துறை அமைச்சர், தமிழ்நாடு
பதவியில் 13 மே 1996  – 13 மே 2001
மின்சாரத்துறை, பால்வளத்துறை, தொழிலாளர் நலத்துறை மற்றும் செய்தித்துறை அமைச்சர், தமிழ்நாடு
பதவியில் 27 சனவரி 1989 – 30 சனவரி 1991
புள்ளம்பாடி ஒன்றியத் தலைவர்
பதவியில் 1986–1989
தனிப்பட்ட விவரங்கள்
பிறப்பு	காணக்கிளியநல்லூர், நாராயணசாமி, ஜவஹர்லால் நேரு நவம்பர் 9, 1952 (1952-11-09) (அகவை 72) நெய்குளம், தமிழ்நாடு,
தேசியம்	இந்தியர்
அரசியல் கட்சி	திமுக
துணைவர்	சாந்தா
பிள்ளைகள்	அருண் நேரு உள்ளிட்ட மூவர்
பெற்றோர்	தந்தை : நாராயணசாமி ரெட்டியார் தாயார் : தனலட்சுமி அம்மாள்
பணி	அரசியல்வாதி

மு. கருணாநிதி மிகவும் நம்பிக்கை  வைத்திருந்த அமைச்சராக கே.என்.நேரு இருந்தார்.^[2] கே. என் .நேரு கடந்த 1989 முதல் 1999 வரை திமுக ஆட்சிக் காலத்தில் மின்சாரத்துறை, பால்வளத்துறை, செய்தித்துறை, தொழிலாளர் நலத்துறை ஆகிய துறைகளில் அமைச்சராகப் பணியாற்றினார். அதைத் தொடர்ந்து 1996 முதல் 2001 வரை திமுக ஆட்சியின் போது உணவுத் துறை மற்றும் கூட்டுறவுத் துறை அமைச்சராக இருந்து பின்னர் 2006 முதல் 2011 வரை போக்குவரத்துத்துறை அமைச்சராகப் பணியாற்றி வந்தார்.^[3] 2008 முதல் 2009 வரை இடைப்பட்ட காலத்தில் விவசாயத் துறை அமைச்சராக இருந்தார்.^[4][5] 2021 தமிழ்நாடு சட்டமன்றத் தேர்தலிலுக்கு பின் அமைந்த திமுக அமைச்சரவையில், 2021 மே 7 அன்று தமிழக நகர்ப்புற வளர்ச்சித்துறை (நகராட்சி நிர்வாகம், நகர்ப்பகுதி, குடிநீர் வழங்கல்) அமைச்சராகப் பதவியேற்றார்.^[6]

நெய்குளம் கிராமத்தில் 9 நவம்பர் 1952 ஆம் ஆண்டு பிறந்தார்.^[7] ஆரம்ப காலத்தில் 1986 ஆண்டு தி.மு.க. சார்பில் புள்ளம்பாடி யூனியன் தலைவராக இருந்துள்ளார்.^[8] சென்னையில் உள்ள அண்ணா அறிவாலயம் போல்  திருச்சி கலைஞர் அறிவாலயம் பிரமாண்டமான முறையில் கட்டினர் கே. என். நேரு.^[9] இவர் திமுகவின் உயர் மட்டக் குழுவில் உள்ளார்.^[10]

போட்டியிட்ட தேர்தல்கள்

ஆண்டு	தொகுதி	முடிவு	வாக்கு சதவீதம்	எதிர்க்கட்சி வேட்பாளர்	எதிர்க்கட்சி	எதிர்க்கட்சி வேட்பாளர் வாக்கு சதவீதம்
1989	இலால்குடி	வெற்றி	45.95%	திருநாவுக்கரசு சாமி	அதிமுக(ஜெ)	26.32%
1991	இலால்குடி	தோல்வி	43.59%	லோகாம்பாள்	காங்கிரஸ்	54.88%
1996	இலால்குடி	வெற்றி	68.47%	லோகாம்பாள்	காங்கிரஸ்	20.03%
2001	இலால்குடி	தோல்வி	45.81%	எஸ்.எம் பாலன்	அதிமுக	47.11%
2006	திருச்சிராப்பள்ளி-II	வெற்றி	49.37%	மரியம் பிச்சை	அதிமுக	38.28%
2011	திருச்சி மேற்கு	தோல்வி	45.56%	மரியம் பிச்சை	அதிமுக	50.21%
2011 (இடைத்தேர்தல்)	திருச்சி மேற்கு	தோல்வி	42.64%	மு. பரஞ்சோதி	அதிமுக	54.16%
2016	திருச்சி மேற்கு	வெற்றி	51.30%	ஆர். மனோகரன்	அதிமுக	35.47%
2021	திருச்சி மேற்கு	வெற்றி	67.02%	வி.பத்மநாதன்	அதிமுக	32.98%