கே. சங்கர்

கே. சங்கர் ஓர் இந்தியத் திரைப்பட இயக்குநர், திரைக்கதை ஆசிரியர் மற்றும் திரைப்படத் தொகுப்பாளர் ஆவார். 1926 மார்ச்சு 17 அன்று மலபாரில் (தற்போதைய கேரளம்) பிறந்த இவர் 80 இக்கும் மேற்பட்ட தமிழ், தெலுங்கு, கன்னடம், மலையாளம், இந்தி உள்ளிட்ட இந்திய மொழித் திரைப்படங்களை இயக்கியுள்ளார்.

கே. சங்கர்
பிறப்பு	கண்ணன். சங்கர் (1926-03-17)மார்ச்சு 17, 1926 [1] குன்னீஸ்கரி, மலபார், கேரளா, பிரித்தானிய இந்தியா
இறப்பு	மார்ச்சு 5, 2006(2006-03-05) (அகவை 79) [1] சென்னை
தேசியம்	இந்தியர்
மற்ற பெயர்கள்	தத்ரூபமான இயக்குநர்
பணி	திரைப்பட இயக்குநர், திரைக்கதை ஆசிரியர், படத்தொகுப்பாளர்
பெற்றோர்(கள்)	தந்தை : கண்ணன் தாயார் : ருக்மணி

வாழ்க்கைக் குறிப்பு

• ஆரம்பகால வாழ்க்கை
• கே.சங்கர் கேரளா மாநிலம் மலபாரில் கண்ணன்-ருக்மணி தம்பதியருக்கு மகனாக பிறந்தார். பின்பு அவர் தந்தை தனது குடும்பத்துடன் தமிழ்நாட்டில் உள்ள கோயம்புத்தூரில் குடியேறினார்கள். அங்கு சங்கர் படித்து கொண்டு இருக்கும்போதே அவர் தந்தை கண்ணன் அங்குள்ள ஆங்கிலேயர்கள் கட்டுபாட்டில் நடத்தி வந்த பஞ்சாலையில் வேலை செய்துவந்தார்.
• அவர் தந்தை கண்ணன் தினமும் வேலை முடித்து வீடு திரும்பிய பின் அவர் தந்தைக்கு சங்கர் உடல் பிடித்துவிடுவது. போன்ற வேலைகளால் சங்கரின் தாயார் ருக்மணி சிறுவயதிலே அவரது படிப்பை நிறுத்திவிட்டார்.
• அதனால் அவர் தாயார் மிகவும் கண்டிப்புடன் அவரை வளர்த்து வந்ததாள் சங்கர் வேலை பார்க்கும் போது ஆங்கிலேயர் ஆட்சியிலே திரையிட பட்ட ஆங்கில திரைப்படங்களை ஆர்வமாக பார்த்து ரசிக்க தொடங்கிய நாள் முதலே சிறுவன் கே. சங்கர் தான் ஒரு திரைப்பட இயக்குநர் ஆக வேண்டும். ஆசை உருவானது.

திரை வாழ்க்கை

• இந்தியாவின் புகழ்பெற்ற திரைப்படத் தயாரிப்பு நிறுவனங்களில் ஒன்றான ஏ. வி. எம் படத்தயாரிப்பு நிறுவனத்தில் ஒரு படத்தொகுப்பாளராக தனது திரை வாழ்க்கையைத் தொடங்கிய சங்கர், பின்னர் திரைப்படங்களை இயக்கத் தொடங்கினார். இவர் இயக்கிய முதல் திரைப்படம் டாக்டர் என்னும் சிங்கள மொழித் திரைப்படமாகும்.கடும் உழைப்பால் டைரக்டராக உயர்ந்த கே.சங்கர் எம். ஜி. ஆர், சிவாஜி படங்களை இயக்கினார் இவர் எம். ஜி. இராமச்சந்திரன் நடித்த பணத்தோட்டம், கலங்கரை விளக்கம், குடியிருந்த கோயில், அடிமைப் பெண், சிவாஜி கணேசன் நடித்த ஆலயமணி, ஆண்டவன் கட்டளை, அன்புக்கரங்கள் என். டி. ராமராவ் நடித்த பூகைலாஷ், ஜெயலலிதா நடித்த கௌரி கல்யாணம் உள்ளிட்ட திரைப்படங்களை இயக்கியதன் மூலமாக தென்னிந்தியாவின் மூன்று முதல்வர்கள் நடித்த திரைப்படங்களை இயக்கியவர் என்ற பெருமை பெற்றவர்.^[2]
• மேலும் இவர் இயக்கம் திரைப்படங்களில் நடிக்கும் நடிகர்கள் நடிகைகள் அனைவரும் சங்கர் அவர்களுக்கு நடிப்பு காட்சி திருப்தி ஆகும். வரையில் அந்த நடிகர்/நடிகைகளை வெளுத்துவாங்கிவிடுவார்.
• மேலும் பல வெற்றித் திரைப்படங்களை இயக்கிய பின்னர் தாய் மூகாம்பிகை, வருவான் வடிவேலன் உள்ளிட்ட பக்தித் திரைப்படங்களை இயக்கினார். இவர், தமிழக முதல்வர் ஜெயலலிதாவிடம் தமிழ்நாடு அரசின் ராஜா சாண்டோ விருதினைப் பெற்றுள்ளார்.

திரைப்பட விபரம்

இது முழுமையான பட்டியல் அல்ல.

ஆண்டு	திரைப்படம்	பங்காற்றியது		மொழி	குறிப்புகள்
		இயக்கம்	படத்தொகுப்பு
1954	பெண்	N	Y	தமிழ்
1956	நாக தேவதை	Y	Y	தமிழ்
1959	ஒரே வழி	Y	Y	தமிழ்
1959	சிவகங்கை சீமை	Y	Y	தமிழ்
1960	கவலை இல்லாத மனிதன்	Y	Y	தமிழ்
1960	கைராசி	Y	Y	தமிழ்
1962	பாத காணிக்கை	Y	Y	தமிழ்
1962	ஆலயமணி	Y	Y	தமிழ்
1962	ஆடிப்பெருக்கு	Y	Y	தமிழ்
1963	ஏழை பங்காளன்	Y	N	தமிழ்
1963	பணத்தோட்டம்	Y	Y	தமிழ்
1963	இது சத்தியம்	Y	Y	தமிழ்
1964	ஆண்டவன் கட்டளை	Y	Y	தமிழ்
1965	பஞ்சவர்ணக் கிளி	Y	Y	தமிழ்
1965	கலங்கரை விளக்கம்	Y	Y	தமிழ்
1965	அன்புக்கரங்கள்	Y	N	தமிழ்
1966	சந்திரோதயம்	Y	Y	தமிழ்
1966	கௌரி கல்யாணம்	Y	N	தமிழ்
1968	குடியிருந்த கோயில்	Y	Y	தமிழ்
1968	கல்லும் கனியாகும்	Y	Y	தமிழ்
1969	அடிமைப் பெண்	Y	Y	தமிழ்
1975	பல்லாண்டு வாழ்க	Y	Y	தமிழ்
1976	உழைக்கும் கரங்கள்	Y
1977	இன்றுபோல் என்றும் வாழ்க
1978	வருவான் வடிவேலன்
1978	வயசு பொண்ணு
1978	குங்குமம் கதை சொல்கிறது
1979	சுப்ரபாதம்
1979	நீலக்கடலின் ஓரத்திலே
1980	மன்மத ராகங்கள்
1981	தேவி தரிசனம்
1982	தெய்வத் திருமணங்கள்
1982	இரட்டை மனிதன்
1982	தாய் மூகாம்பிகை
1983	மிருதங்க சக்கரவர்த்தி
1983	யாமிருக்க பயமே
1984	சிரஞ்சீவி
1984	எழுதாத சட்டங்கள்
1985	நவக்கிரக நாயகி
1985	ராஜரிஷி
1986	நம்பினார் கெடுவதில்லை
1986	ஆயிரம் கண்ணுடையாள்
1987	வேலுண்டு வினையில்லை
1987	முப்பெரும் தேவியர்
1988	தம்பி தங்கக் கம்பி
1989	மீனாட்சி திருவிளையாடல்
1993	நல்லதே நடக்கும்
1996	வெற்றி விநாயகர்

மறைவு

தனது மனைவி மற்றும் 6 குழந்தைகளுடன் வசித்து வந்த சங்கர், மாரடைப்பின் காரணமாக 2006 மார்ச்சு 5 அன்று இரவு 7 மணியளவில் தனது 80 ஆவது அகவையில் காலமானார்.^[1]